ក្រោយការប្រកួតជម្រុះក្នុងពូល B បានបញ្ចប់ទៅសព្វគ្រប់ ក្រុមព័រទុយហ្គាល់ដែលឈរនៅចំណាត់ថ្នាក់លេខ២នឹងត្រូវប្រកួតប៉ះក្រុមលេខ១ពូលA អ៊ុយរូហ្គាយ នៅវគ្គ១៦ក្រុមធ្វើឱ្យគ្រូបង្វឹកក្រុមបញ្ចខែលលោក Fernando Santos បោះពាក្យទាំងអំនួតថា លោកមានយុត្តិសាស្ត្របំបែកក្បួនទ័ពអ៊ុយរូហ្គាយ…
ក្រោយការប្រកួតជម្រុះក្នុងពូល B បានបញ្ចប់ទៅសព្វគ្រប់ ក្រុមព័រទុយហ្គាល់ដែលឈរនៅចំណាត់ថ្នាក់លេខ២នឹងត្រូវប្រកួតប៉ះក្រុមលេខ១ពូលA អ៊ុយរូហ្គាយ នៅវគ្គ១៦ក្រុមធ្វើឱ្យគ្រូបង្វឹកក្រុមបញ្ចខែលលោក Fernando Santos បោះពាក្យទាំងអំនួតថា លោកមានយុត្តិសាស្ត្របំបែកក្បួនទ័ពអ៊ុយរូហ្គាយ ហើយ ។
គ្រូបង្វឹកវ័យ៦៣ឆ្នាំរូបនេះបានលើកឡើងថា «អ្វីដែលសំខាន់នោះគឺផ្តោតលើការប្រកួតស្គាល់ឱ្យច្បាស់ពីសត្រូវខ្លួនឯងបន្ទាប់មកត្រៀមខ្លួនប្រយុទ្ធទាំងផ្លូវចិត្ត និងផ្លូវកាយ មិនថាយើងប៉ះអ៊ុយរូហ្គាយ ឬក៏ម្ទាស់ផ្ទះរុស្ស៊ីនោះទេ» ។
លោក Fernando បន្ថែមថា «ពិតណាស់ វានឹងជាការប្រកួតដ៏តានតឹងមួយព្រោះថាអ៊ុយរូហ្គាយជាក្រុមខ្លាំងមួយ ដែលពោរពេញទៅដោយកីឡាករមានសមត្ថភាពខ្ពស់ ប៉ុន្តែមិនមានន័យព័រទុយហ្គាល់ជាក្រុមអន់ឡើយ ព្រោះយើងមានអាវុធ និងយុត្តិសាស្ត្រ ដែលយើងនឹងព្យាយាមប្រើប្រាស់ដើម្បីដណ្តើមជ័យជម្នះ» ។
គួរបញ្ជាក់ថា ព័រទុយហ្គាល់នឹងត្រូវប៉ះក្រុមអុយរូហ្គាយនៅថ្ងៃសៅរ៍ រីឯក្រុមលេខ១ពូល B អេស្ប៉ាញ ប៉ះក្រុមលេខ២ពូល B រុស្ស៊ីនៅថ្ងៃអាទិត្យចុងសប្តាហ៍នេះ ៕
ចែករំលែកព័តមាននេះ