ខេត្តកំពត ៖ ដោយសារតែជីវភាពក្រីក្រ គ្មានអ្វីជាទីពឹងសូម្បីតែដីស្រែក៏គ្មានធ្វើ ដើម្បីចិញ្ចឹមជីវិតដោយច្រូតស្បូវក្រងលក់គ្រាន់ដោះស្រាយជីវភាពប្រចាំថ្ងៃ ស្រាប់តែត្រូវពស់ពភ្លាក់ចឹកហើយត្រូវដឹកទៅសង្គ្រោះបន្ទាន់ ហេតុការណ៍នេះកើតឡើងកាលពីម៉ោង៩ព្រឹក ថ្ងៃទី២៦ ខែមិថុនា ឆ្នាំ២០១៨។…
ខេត្តកំពត ៖ ដោយសារតែជីវភាពក្រីក្រ គ្មានអ្វីជាទីពឹងសូម្បីតែដីស្រែក៏គ្មានធ្វើ ដើម្បីចិញ្ចឹមជីវិតដោយច្រូតស្បូវក្រងលក់គ្រាន់ដោះស្រាយជីវភាពប្រចាំថ្ងៃ ស្រាប់តែត្រូវពស់ពភ្លាក់ចឹកហើយត្រូវដឹកទៅសង្គ្រោះបន្ទាន់ ហេតុការណ៍នេះកើតឡើងកាលពីម៉ោង៩ព្រឹក ថ្ងៃទី២៦ ខែមិថុនា ឆ្នាំ២០១៨។
ស្ត្រីរងគ្រោះខាងលើឈ្មោះ ខាន់ ចាន់ណារ៉ា អាយុ៣៧ឆ្នាំ រស់នៅភូមិល្អាង ឃុំល្អាង ស្រុកដងទង់ មានប្តីឈ្មោះ ស៊ិន ចិន អាយុ៣៣ឆ្នាំ និងមានកូនក្នុងបន្ទុក៤នាក់ ក្នុងនោះប្រុស២នាក់ ស្រី២នាក់ ហើយកូនស្រីបងទើបអាយុ១៦ឆ្នាំ។
តាមស្ត្រីរងគ្រោះឱ្យដឹងថា នៅកណ្តាលព្រៃក្បែរជើងភ្នំឆ្ងាយពីផ្ទះអ្នកស្រុកផង ខណៈពេលកំពុងតែច្រូតស្បូវដើម្បីយកមកក្រងលក់ ស្រាប់តែពស់ពភ្លាក់មកចឹកចំមេជើងខាងឆ្វេងរបស់នាងហើមឈឺចុកចាប់យ៉ាងខ្លាំង ពស់នោះខ្លួនវាប៉ុនចង្អុលដៃតែប៉ុណ្ណោះ ក្រោយមកប្តីរបស់នាងក៏វាយវាងាប់ដែរ ។ ដោយសារឈឺខ្លាំងពេកក៏បោចស្បូវមួយសរសៃមកចងចំមុខរបួស ដើម្បីកុំឲ្យពិសជ្រាបចូលបេះដូង ហើយប្រើប្តីឲ្យដកដើមទ្រាំងទាំងឬសយកមកទំពាររួចលេបវា ទើបអន់ចុកចាប់ ភ្លាមៗនោះប្តីនាងក៏ដឹកទៅសង្គ្រោះនៅមន្ទីរពេទ្យបង្អែកខេត្តកំពត ។
ស្ត្រីរងគ្រោះបន្តថា ដោយសារតែជីវភាពក្រីក្រពេកកូនៗទាំងអស់មិនបានរៀនសូត្រនឹងគេទេ សព្វថ្ងៃនេះគ្រួសារគាត់មានប័ណ្ណក្រីក្រ ពេលនេះគាត់ជួបគ្រោះដោយសារតែពស់ចឹកទៀតមិនដឹងកូនៗបានអ្វីសម្រាប់ហូបចុកនោះទេ ហើយគាត់មកព្យាបាលនេះមិនត្រូវបានឲ្យបង់ថ្លៃសេវាព្យាបាលទេ ថែមទាំងយកចិត្តទុកដាក់ក្នុងការពិនិត្យ និងតាមដានជំងឺថែមទៀតផង។
ជាមួយគ្នានេះដែរ គ្រួសារក្រីក្រដែលរងគ្រោះដោយពស់ចឹកខាងលើ សូមអំពាវនាវដល់សប្បុរសជនក្នុង និងក្រៅប្រទេស មេត្តាជួយគាត់ផង ដើម្បីសំរួលជីវភាពគ្រួសារកំពុងតែជួបការលំបាកនេះផង ៕
ចែករំលែកព័តមាននេះ