រាជធានីភ្នំពេញ ៖ បុរសម្នាក់វ័យជាង៥០ឆ្នាំមិនស្គាល់អត្តសញ្ញាណដើរឆ្លងផ្លូវជាតិលេខ៦មិនបានប្រយ័ត្នក៏ត្រូវរថយន្តមិនស្គាល់ម៉ាកបើកបុកបណ្តាលអោយស្លាប់បាត់ភ្លាមៗនៅនឹងកន្លែងកើតហេតុ ចំណែករថយន្តបង្កបើករត់បាត់ស្រមោល ។ ហេតុការណ៍នេះបានកើតឡើងកាលម៉ោង២រំលងអធ្រាត្រឈានចូលថ្ងៃទី២៦ ខែមិថុនា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចស្ពានទី១០…
រាជធានីភ្នំពេញ ៖ បុរសម្នាក់វ័យជាង៥០ឆ្នាំមិនស្គាល់អត្តសញ្ញាណដើរឆ្លងផ្លូវជាតិលេខ៦មិនបានប្រយ័ត្នក៏ត្រូវរថយន្តមិនស្គាល់ម៉ាកបើកបុកបណ្តាលអោយស្លាប់បាត់ភ្លាមៗនៅនឹងកន្លែងកើតហេតុ ចំណែករថយន្តបង្កបើករត់បាត់ស្រមោល ។ ហេតុការណ៍នេះបានកើតឡើងកាលម៉ោង២រំលងអធ្រាត្រឈានចូលថ្ងៃទី២៦ ខែមិថុនា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចស្ពានទី១០ ស្ថិតនៅក្នុងភូមិចំបក់មាស សង្កាត់បាក់ខែង ខណ្ឌជ្រោយចង្វារ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់មិនស្គាល់អត្តសញ្ញាណវ័យជាង50ឆ្នាំបានដើរឆ្លងផ្លូវមិនបានប្រយ័ត្នហើយផ្លូវនោះរៀងស្ងាត់ផងនោះហើយអត់មានដាក់ភ្លើងបំភ្លឺក៏ត្រូវរថយន្តមិនស្គាល់ម៉ាកដាច់ភ្លើងមួយចំហៀងបើកក្នុងល្បឿនយ៉ាងលឿនដូចហោះបុកបុរសរងគ្រោះដែលដើរឆ្លងផ្លូវពេញទំហឹងបណ្តាលអោយបោកក្បាលស្លាប់ភ្លាមៗនៅនឹងកន្លែងកើតហេតុ ចំណែកឯរថយន្តបង្កវិញបើករត់គេចខ្លូនបាត់ស្រមោលបន្សល់ទុកតែជនរងគ្រោះដេកដួលស្លាប់នៅនឹងកន្លែងកើតហេតុ ។
សមត្ថកិច្ចបានបញ្ជាក់ថា ជនរងគ្រោះនៅមិនទាន់មិនស្គាល់អត្តសញ្ញាណនឹងរកសាច់ញាតិឃើញនោះទេ ។ ក្រោយពេលកើតហេតុជនរងគ្រោះត្រូវបានសមត្ថកិច្ចហៅរថយន្តដឹកសពយកទៅតម្កល់នៅវត្តទឹកថ្លារងចាំសាច់ញាតិមកធ្វើបុណ្យទៅតាមប្រពៃណី ៕
ចែករំលែកព័តមាននេះ