ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកព្រៃនប់មានគ្រោះថ្នាក់ចរាចរណ៍រវាងរថយន្តកុងតឺន័របុកពីក្រោយម៉ូតូមួយគ្រឿងដែលដឹកបន្លែ មានទិសដៅស្របគ្នា(ក្រុងព្រះសីហនុ-ភ្នំពេញ) នៅផ្លូវជាតិលេខ៤  ម្តុំមុខទីអារាមកំពុងសង់ថ្មី ក្នុងឃុំអូរឧកញ៉ាហេង ស្រុកព្រៃនប់នៅវេលាម៉ោង១២កន្លះថ្ងៃត្រង់ ថ្ងៃទី២៦ ខែមិថុនានេះ ។

សេចក្តីរាយការណ៍បន្តថា គ្រោះថ្នាក់ខាងលើបណ្តាលឲ្យបុរសភាគីខាងម៉ូតូស្លាប់នៅនឹងកន្លែង រីឯអ្នកបើកបររថយន្តបានទុករថយន្តចោល ហើយចុះរត់គេចខ្លួន ។ ដោយភ្លាមៗគេនៅមិនទាន់ស្គាល់អត្តសញ្ញាណជនរងគ្រោះ និងភាគីខាងរថយន្តនៅឡើយទេ  ៕

ព័ត៌មានលម្អិតនឹងមានផ្សាយជូននៅទំព័រកាសែតកោះសន្តិភាព ។