ការស្រាវជ្រាវថ្មីមួយបានបង្ហាញថា ការធ្វើលំហាត់ប្រាណជាទៀងទាត់ និងការផឹកស្រាម្តងម្កាលអាចជារឿងល្អសម្រាប់ភ្នែករបស់អ្នក ។ អ្នកស្រាវជ្រាវបានមើលទៅលើមនុស្សពេញវ័យជិត៥.០០០នាក់ ដែលមានអាយុចន្លោះពី៤៣ឆ្នាំទៅ៨៤ឆ្នាំ ។ ជាង២០ឆ្នាំ, ៥,៤% នៃពួកគេបានវិវឌ្ឍទៅជាការប៉ះពាល់នៃគំហើញ ។
ការប៉ះពាល់គំហើញត្រូវបានគេកំណត់ថា ការថយចុះគំហើញដែលត្រូវបានបង្កឡើងដោយជំងឺភ្នែក, គ្រោះថ្នាក់ ឬបញ្ហាសុខភាពដែលមិនអាចត្រូវបានកែតម្រូវដោយការពាក់វ៉ែនតា ឬពាក់កញ្ចក់ភ្នែក ។ ករណីនេះបានកើតមាន៦,៧%នៃអ្នកដែលមិនធ្វើលំហាត់ប្រាណ និង២%នៃអ្នកដែលបានធ្វើលំហាត់ប្រាណ លើសពី៣ដងក្នុងមួយសប្តាហ៍។ ក្រោយពីបានមើលពីអាយុ អ្នកស្រាវជ្រាវបានរកឃើញថា អ្នកដែលបានធ្វើលំហាត់ប្រាណទៀងទាត់ គឺមាន៥៨%ហាក់ដូចជាវិវឌ្ឍទៅជាបញ្ហានៃគំហើញជាងអ្នកដែលមិនធ្វើលំហាត់ប្រាណ ។
អ្នកស្រាវជ្រាវបានរកឃើញថា ការប៉ះពាល់គំហើញបានវិវឍ្ឍ១១%នៃអ្នកមិនផឹកស្រា និង៤,៨%នៃអ្នកដែលផឹកស្រាម្តងម្កាល ដែលការផឹកស្រាម្តងម្កាលនេះត្រូវបានគេកំណត់ថា ផឹកតិចជាងមួយកំប៉ុងក្នុងមួយសប្តាហ៍ជាមធ្យម ។ ក្រោយពីមើលពីអាយុ, អ្នកផឹកស្រាម្តងម្កាលគឺមាន៤៩%ហាក់ដូចជាមិនសូវវិវឍ្ឍទៅជាបញ្ហាភ្នែក បើធៀបទៅនឹងអ្នកដែលបានផឹក ។
អ្នកផឹកស្រាច្រើន និងអ្នកជក់បារីច្រើនហាក់ដូចជាងាយនឹងវិវឍ្ឍទៅនឹងការប៉ះពាល់គំហើញជាងអ្នកដែលមិនផឹក និងជក់បារីសោះ, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Ophthalmology។ វេជ្ជបណ្ឌិតរ៉ូណាល់ គ្លីន (Ronald Klein) បាននិយាយថា ខណៈពេលដែលអាយុជាធម្មតាគឺជាកត្តាមួយនៃកត្តា ធំៗជាច្រើនដែលត្រូវបានផ្សារភ្ជាប់ចំពោះជំងឺភ្នែកជាច្រើនដែលបណ្តាលឲ្យប៉ះពាល់ដល់គំហើញនោះ, វាគឺជាកត្តាដែលយើងមិនអាចផ្លាស់ប្តូរបាន ។
គាត់បានបន្ថែមថា របៀបនៃការរស់នៅដូចជា ការជក់បារី, ការផឹកស្រា និងការធ្វើលំហាត់ប្រាណអាចត្រូវបានទាក់ទង ។ ដូចនេះក្នុងន័យនៃការការពារ, របៀបនេះការរស់នៅត្រូវបានផ្សារភ្ជាប់ទៅនឹងការវិវឌ្ឍនៃការប៉ះពាល់គំហើញ ។
Klein បាននិយាយថា ការស្រាវជ្រាវថ្ងៃក្រោយ គឺចាំបាច់ដើម្បីកំនត់ថាតើការប្រែប្រួលរបៀបរស់នៅនឹងមានឥទ្ធិពលផ្ទាល់លើការថយចុះការបាត់បង់គំហើញ ឬយ៉ាងណា ។ចំនួនប្រជាជនជនជាតិអាមេរិកដែលប៉ះពាល់គំហើញត្រូវបានគេរំពឹងថាកើនឡើងយ៉ាងហោចណាស់៤លាននាក់ក្នុងឆ្នាំ២០២០, ដែលកើនឡើង៧០%ពីឆ្នាំ២០០០មក ៕
ស្រង់ពីគេហទំព័រសុខភាព
ចែករំលែកព័តមាននេះ