ចំណុចខាងក្រោមនេះបើមាននៅក្នុងអ្នកដឹកនាំណា អ្នកដឹកនាំនោះនឹងបានជាមេដឹកនាំដ៏ល្អ ជាគំរូដល់ជនានុជនក្រោយៗយ៉ាងជាក់ច្បាស់ សង្គមជាតិក៏មានសន្តិភាព រាស្ត្រប្រជាក៏រស់នៅដោយភាពសុខសាន្ត ។ ចំណុចស្នូលទាំងបីប្រការនោះគឺៈ ១-អាជ្ជវៈ គឺការទៀងត្រង់ ការមិនវៀចក្រឡិកក្រឡុច…
ចំណុចខាងក្រោមនេះបើមាននៅក្នុងអ្នកដឹកនាំណា អ្នកដឹកនាំនោះនឹងបានជាមេដឹកនាំដ៏ល្អ ជាគំរូដល់ជនានុជនក្រោយៗយ៉ាងជាក់ច្បាស់ សង្គមជាតិក៏មានសន្តិភាព រាស្ត្រប្រជាក៏រស់នៅដោយភាពសុខសាន្ត ។ ចំណុចស្នូលទាំងបីប្រការនោះគឺៈ
១-អាជ្ជវៈ គឺការទៀងត្រង់ ការមិនវៀចក្រឡិកក្រឡុច មានចិត្តសុចរិតប្រាកដប្រជា។ ត្រង់ក្នុងមុខនាទី ត្រង់ក្នុងការងារ ត្រង់ចំពោះវាចា ត្រង់ចំពោះបុគ្គល ចំពោះរាស្ត្រប្រជា និងត្រង់ចំពោះសេចក្តីល្អ។ អាជ្ជវៈ ធ្វើឱ្យរយៈពេលដែលត្រូវធ្វើដំណើរទៅរកគោលដៅខ្លឺឆាប់ ព្រោះជាផ្លូវត្រង់ ព្រមទាំងអាចធ្វើឱ្យប្រជារាស្ត្រកើតការទុកចិត្ត កើតការគោរព យកជាគំរូ ទាំង មិនហ៊ានប្រព្រឹត្តផ្តេសផ្តាស ។
២-មទ្ទវៈ គឺការទន់ភ្លន់ មិនរឹងរូស មិនចចេស គោរពទៅតាមមតិរបស់រាស្ត្រ បត់បែនទៅតាមស្ថានការណ៍ជាក់ស្តែងបាន ធ្វើឱ្យសង្គម ឬក្រុមសហការីកើតទស្សនៈ ចូលគ្នាឆាប់រហ័ស ធ្វើឱ្យកើតសាមគ្គីយ៉ាងរឹងមាំទោះជាស្ថិតក្នុងស្ថានភាពណាក៏នៅតែរឹងមាំ។ ដូចដើមត្រែងដែលត្រូវខ្យល់ខ្លាំង ក៏ទោរទៅតាមខ្យល់ តែនៅពេលស្ងប់ខ្យល់ក៏ត្រឡប់មករកសភាពរឹងប៉ឹងវិញដដែល ។
៣-តបៈ គឺការដុតកម្តៅអំពើអាក្រក់ ដុតកម្លោចជនអាក្រក់កុំឱ្យមានក្នុងខ្លួន និងក្នុងសង្គម ធ្វើឱ្យជនអាក្រក់មិនហ៊ានធ្វើបាបតទៅទៀត ធ្វើឱ្យជនល្អមានចិត្តចង់ធ្វើល្អដើម្បីជាប្រយោជន៍រួម ធ្វើឱ្យប្រទេសជាតិមានការរួបរួមកម្លាំងគ្នាជាបាច់ មានអ្នកដឹកនាំសុទ្ធតែជាមនុស្សល្អ ។
ចែករំលែកព័តមាននេះ