រាជធានីភ្នំពេញ ៖ រថយន្តលាយបេតុង១គ្រឿងដែលបើកបរក្នុងល្បឿនលឿន បានជ្រុលទៅបុករះម៉ូតូ២គ្រឿងពីក្រោយជាបន្តបន្ទាប់ ខណៈកំពុងធ្វើដំណើរស្របទិសគ្នា ។ គ្រោះថ្នាក់នេះ បណ្ដាលឱ្យបុរសម្នាក់ជារដ្ឋបាលរោងចក្រស្លាប់ភ្លាមនៅនឹងកន្លែង និងបុរស-ស្ត្រី២នាក់ដែលជាប្ដីប្រពន្ធរងរបួសធ្ងន់និងស្រាល ត្រូវបានគេបញ្ជូនទៅសង្គ្រោះបន្ទាន់ភ្លាមៗ…
រាជធានីភ្នំពេញ ៖ រថយន្តលាយបេតុង១គ្រឿងដែលបើកបរក្នុងល្បឿនលឿន បានជ្រុលទៅបុករះម៉ូតូ២គ្រឿងពីក្រោយជាបន្តបន្ទាប់ ខណៈកំពុងធ្វើដំណើរស្របទិសគ្នា ។
គ្រោះថ្នាក់នេះ បណ្ដាលឱ្យបុរសម្នាក់ជារដ្ឋបាលរោងចក្រស្លាប់ភ្លាមនៅនឹងកន្លែង និងបុរស-ស្ត្រី២នាក់ដែលជាប្ដីប្រពន្ធរងរបួសធ្ងន់និងស្រាល ត្រូវបានគេបញ្ជូនទៅសង្គ្រោះបន្ទាន់ភ្លាមៗ ចំណែកអ្នកបើកបររថយន្តលាយបេតុងបានរត់គេចខ្លួនបាត់ស្រមោល ។
ឧបទ្ទវហេតុខាងលើ បានកើតឡើងកាលពីវេលាម៉ោង៧ព្រឹកថ្ងៃទី២៥ ខែមិថុនា នៅលើកំណាត់ផ្លូវជាតិលេខ៣ ត្រង់ចំណុចមុខសួនវឌ្ឍនៈ២ ស្ថិតនៅក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ។ជនរងគ្រោះដែលស្លាប់ឈ្មោះ ង៉ាំ ស្រៀង អាយុ អាយុ៣៥ឆ្នាំ មានស្រុកកំណើតនៅភូមិចកឃុំត្រពាំងសាប ស្រុកបាទី ខេត្ដតាកែវ និងស្នាក់នៅក្នុងភូមិសាឡូង សង្កាត់កំបូល ខណ្ឌពោធិ៍សែនជ័យ ។
ជនរងគ្រោះជិះម៉ូតូហុងដាស្គូពី ពណ៌ស ពាក់ផ្លាកលេខ ភ្នំពេញ ១BU-៥០៧០ ។ ចំណែកអ្នករងរបួស២នាក់ប្ដីប្រពន្ធ នៅមិនទាន់ស្គាល់អត្តសញ្ញាណនៅឡើយទេ ជិះម៉ូតូហុងដាឌ្រីម សេ១២៥ ពណ៌ក្រហម ស៊េរីឆ្នាំ២០០៨ ពាក់ផ្លាកលេខ តាកែវ ១C-៨៥៥១ ។ ដោយឡែក រថយន្តលាយបេតុងម៉ាកហ៊ីណូពណ៌ស ពាក់ផ្លាកលេខ ភ្នំពេញ ៥A-០៣៣៩បើកបរដោយបុរសម្នាក់មិនស្គាល់ឈ្មោះ បាន រត់គេចខ្លួនបាត់ស្រមោល ៕
ចែករំលែកព័តមាននេះ