គ្រូបង្វឹកសញ្ជាតិអេស្ប៉ាញ Fernando Hierro បានរៀបរាប់ទាំងអារម្មណ៍រំភើបថា ក្រុមរបស់លោកមានសំណាងណាស់ ដែលវីដេអូតាមដានសកម្មភាពប្រកួតលើទីលាន VAR ជួយរកយុត្តិធម៌អោយក្រុមលោកបានគ្រាប់បាល់ស្មើម៉ារ៉ុក នៅនាទី៩០បូក បន្ទាប់ពីប្រើកែងជើងរុញបាល់បញ្ចូលទី ដោយកីឡាករ Iago Aspas តែត្រូវអាជ្ញាកណ្តាលខ្សែបន្ទាត់លើកទុងចាប់កំហុសឆ្គង Offside ទៅវិញ ប៉ុន្តែសំអាងទៅលើវីដេអូតាមដាន VAR ទើបប្តូរការសម្រេចចិត្ត ផ្តល់ឱ្យអេស្ប៉ាញ ទទួលបានលទ្ធផល ២-២ ជាផ្លូវការស្មើគ្នាជាមួយម៉ារ៉ុក ។
លោក Hierro ជាអតិតខ្សែការពារក្រុមជម្រើសជាតិរូបនេះបន្តថា លោកត្រូវខិតខំជួយតាមដានរាល់ការលេងរបស់ក្រុមទាំងមូល និងប្តូរទំរង់លេងភ្លាមៗពេលប្រកួតជាមួយគូប្រជែងនៅវគ្គចាញ់ធ្លាក់ខាងមុខ ។
ចែករំលែកព័តមាននេះ