រាជធានីភ្នំពេញ ៖ បុរសម្នាក់អាយុ៦៦ឆ្នាំ ដោយសារសុខភាពមិនសូវល្អ បានចូលម៉ាស្សាស្រាប់តែគាំងបេះដូងស្លាប់ បណ្តាលឱ្យផ្អើលទៅដល់សមត្ថកិច្ច រួមនឹងប្រជាពលរដ្ឋទៅចោមរោមមើល កាលពីវេលាម៉ោង០៥ និង៣០នាទីល្ងាចថ្ងៃទី២៤ មិថុនា…
រាជធានីភ្នំពេញ ៖ បុរសម្នាក់អាយុ៦៦ឆ្នាំ ដោយសារសុខភាពមិនសូវល្អ បានចូលម៉ាស្សាស្រាប់តែគាំងបេះដូងស្លាប់ បណ្តាលឱ្យផ្អើលទៅដល់សមត្ថកិច្ច រួមនឹងប្រជាពលរដ្ឋទៅចោមរោមមើល កាលពីវេលាម៉ោង០៥ និង៣០នាទីល្ងាចថ្ងៃទី២៤ មិថុនា នៅតាមផ្លូវលេខ៨០ ចំណុចផ្ទះម៉ាស្សាមួយកន្លែងគ្មានលេខ ស្ថិតក្នុងសង្កាត់ស្រះចក ខណ្ឌដូនពេញ ។
ជនរងគ្រោះដែលស្លាប់ឈ្មោះ មុំ គង់ អាយុ៦៦ឆ្នាំ មានស្រុកកំណើតនៅភូមិទួលខ្សាច់ ឃុំកោះសូទិន ស្រុកកោះសូទិន ខេត្តកំពង់ចាម ។ ប្រភពព័ត៌មានអ្នកឃើញហេតុការណ៍ឱ្យដឹងថា ជនរងគ្រោះបានចូលទៅម៉ាស្សានៅផ្ទះខាងលើ ប៉ុន្តែមិនដឹងថា គាត់មានជំងឺបែបណាទេ ស្រាប់តែដេកស្លាប់តែម្តង ដែលសង្ស័យថាគាំងបេះដូង ។
ប្រជាពលរដ្ឋខ្លះ ដែលសង្ស័យនិយាយថា ជនរងគ្រោះអាចមិនត្រឹមតែចូលទៅម៉ាស្សាប៉ុណ្ណោះទេ អាចមានអារម្មណ៍រួមរ័ក ហើយដោយសារសុខភាពផង ទើបគាំងបេះដូងស្លាប់ ។ តែទោះជាបែបណា មិនមានការអះអាងផ្លូវការទេ ។ ក្រោយកើតហេតុ សមត្ថកិច្ចបានធ្វើកោសល្យវិច័យ រួចប្រគល់សពឱ្យសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ