តាមប្រភពព័ត៌មាន Sporting News បានឲ្យដឹងថា ខ្សែបម្រើរបស់ក្លិបបិសាចក្រហម Fellaini គ្រោងនឹងបង្ហើបពីអនាគតរបស់ខ្លួននៅពេលឆាប់ៗនេះថា បន្តនៅលេងឲ្យក្លិបតទៅទៀត ឬអត់ ។ ដោយសារតែកុងត្រារបស់ Fellaini នឹងផុតនៅចុងខែនេះហើយរូបគេមិនទាន់ចុះកុងត្រាបន្តគ្រប់គ្នាកើតជាការសង្ស័យថា កីឡាកររូបនេះអាចនឹងចាកចេញពី Manchester United ក្នុងពេលខាងមុខនេះ ។
នាពេលនេះខ្សែបម្រើខាងលើមិនទាន់ថា នឹងចាកចេញនៅឡើយទេ ។ រូបគេប្រាប់អ្នកកាសែតកាលពីថ្ងៃអាទិត្យថា នឹងប្រាប់ឲ្យច្បាស់ពីអនាគតរបស់ខ្លួននៅពេលឆាប់ៗនេះ ។ កីឡាកររបស់ក្រុមជម្រើសជាតិប៊ែលហ្ស៊ិករូបនេះបានឆ្លើយតបនឹងសំនួរ«តើនឹងមកបន្តលេងឲ្យ Manchester United ទៀតអត់ នៅរដូវកាលក្រោយ?» ដោយរូបគេឆ្លើយថា «អ្នកនឹងដឹងឆាប់ៗ» ។
គួរបញ្ជាក់ផងដែរថា Fellaini បានលេងឲ្យ Man Utd ៥រដូវកាលមកហើយតាំងពីចុងរដូវកាល 2013-14 បន្ទាប់ពីផ្លាស់ពី Everton មក ។ រូបគេអាចនឹងបន្តឬអត់មានតែចាំស្តាប់ពាក្យចេញពីមាត់គេនៅពេលខាងមុខនេះទេ ៕
ចែករំលែកព័តមាននេះ