ខេត្តកំពង់ឆ្នាំង ៖ ចៅអធិការវត្តគំរាបរុក្ខរាមបានរងរបួសបែកព្រះកេស ដោយសារតែបុរសប្រមឹកម្នាក់យក ដងកាំបិតវាយសំពង បន្ទាប់ពីមានទំនាស់រឿងចៅអធិការវត្តដេញចេញពីកុដិដោយសារស្អុយក្លិនស្រា ។ ហេតុការណ៍នេះបានកើតឡើងវេលាម៉ោង៤និង៤០នាទីព្រឹក ថ្ងៃទី២៥ ខែមិថុនា…
ខេត្តកំពង់ឆ្នាំង ៖ ចៅអធិការវត្តគំរាបរុក្ខរាមបានរងរបួសបែកព្រះកេស ដោយសារតែបុរសប្រមឹកម្នាក់យក ដងកាំបិតវាយសំពង បន្ទាប់ពីមានទំនាស់រឿងចៅអធិការវត្តដេញចេញពីកុដិដោយសារស្អុយក្លិនស្រា ។ ហេតុការណ៍នេះបានកើតឡើងវេលាម៉ោង៤និង៤០នាទីព្រឹក ថ្ងៃទី២៥ ខែមិថុនា ឆ្នាំ២០១៨ នៅវត្តអារាម ខាងលើ ស្ថិតក្នុងភូមិត្រពាំងចាន់ ឃុំត្រពាំងចាន់ ស្រុកបរិបូរណ៌ ។
សមត្ថកិច្ចនគរបាលមូលដ្ឋានបានអោយដឹងថា ជនដៃដល់មានឈ្មោះ កែវ គួ ភេទប្រុស អាយុ៥៤ឆ្នាំ មុខរបរមិនពិតប្រាកដ រស់នៅភូមិត្រពាំង ឃុំត្រពាំងចាន់ ស្រុកបរិបូរណ៌ ។ ចំណែកចៅអធិការវត្តរងគ្រោះមានព្រះនាម មឹង សុគន្ធា ។
ប្រភពដដែលបានបន្តថា ជនដៃដល់បានត្រឡប់ពីផឹកស្រាស្រវឹងរួចបានចូលទៅដេកក្នុងកុដិចៅអធិការវត្តខាងលើពេលនោះចៅអធិការវត្តមានសង្ឃដីកាប្រាប់ថា ស្អុយស្រាណាស់ ទៅដេកកន្លែងផ្សេងទៅ ។ ភ្លាមនោះជនដៃដល់ខាងលើបានខឹងសម្បាក៏យកដងកាំបិតវាយទៅលើព្រះចៅអធិការបណ្ដាលអោយបែកក្បាលលើចិញ្ចើមខាងស្ដាំយ៉ាងដំណំ ហើយត្រូវបានដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំង ។ ចំណែកជនដៃដល់ត្រូវបានសមត្ថកិច្ចចាប់ឃាត់ខ្លួនដើម្បីកសាងសំណុំរឿងបញ្ជូនទៅតុលាការតាមផ្លូវច្បាប់ ៕
ចែករំលែកព័តមាននេះ