រាជធានីភ្នំពេញ ៖ ក្នុងមួយព្រឹកថ្ងៃទី២៥ ខែមិថុនា ឆ្នាំ២០១៨នេះ មានករណីប្រុសស្រី២នាក់ មកលោតទឹកសម្លាប់ខ្លួនបន្តបន្ទាប់គ្នា ម្នាក់ជាបុរសលោតបានសម្រេច និងនារីម្នាក់ទៀតមិនបានសម្រេច ទេត្រូវគេឃាត់ទាន់។ ហេតុការណ៍ទី១ បានកើតឡើងកាលពីវេលាម៉ោង១០ និង៤០នាទីព្រឹក ថ្ងៃទី២៥ ខែមិថុនា ឆ្នាំ២០១៨ នៅលើស្ពានជ្រោយចង្វារថ្មី រាជធានីភ្នំពេញ។
ប្រភពព័ត៌មានឲ្យដឹងថា នៅមុនពេលកើតហេតុ មានបុរម្នាក់មិនដឹងមានវិបត្តិអ្វីនោះទេ បានជិះកង់ឡើងស្ពានជ្រោយចង្វារ ពីលិចមកកើតខណៈមកដល់ជិតកណ្ដាលស្ពានបានទុកកង់ចោលហើយលោតទម្លាក់ពីលើស្ពានតែម្តងដោយបន្សល់ទុកតែកង់នៅកន្លែងកើតហេតុប៉ុណ្ណោះ។ ហេតុការណ៍ទី២បានកើតឡើងនៅលើស្ពានដដែល នៅវេលាម៉ោង១១ និង១៦នាទី ថ្ងៃខែឆ្នាំដដែល មាននារីម្នាក់មកប៉ងលោតទឹកស្លាប់ខ្លួនតែគេឃាត់ទាន់។ នារីដែលប៉ងសម្លាប់ខ្លួននោះឈ្មោះ ថន ស្រីពីន អាយុ២១ឆ្នាំ មុខរបរនៅផ្ទះស្នាក់នៅផ្ទះជួល ម្តុំផ្សារមាន់អាំង មានស្រុកកំណើតនៅភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល។
ប្រភព័ត៌មានឲ្យដឹងថា នៅមុនពេលកើតហេតុនាងមានទំនាស់ក្នុងគ្រួសារក៏សម្រេចចិត្តជិះម៉ូតូឌុប មក បម្រុងលោតពីលើស្ពានតែមានសមត្ថកិច្ច និងសណ្តាប់ធ្នាប់ខណ្ឌជ្រោយចង្វារឃាត់ទាន់ ពេលនាងក៏ផុតពីគ្រោះថ្នាក់។ ក្រោយកើតហេតុនាងត្រូវបានការិយាល័យកិច្ចការនារីខណ្ឌជ្រោយចង្វារ ណែនាំ និងជូនទៅផ្ទះវិញ៕
https://www.youtube.com/watch?v=feVVgoNVyAI
ចែករំលែកព័តមាននេះ