ប្រទេសយេម៉ែន ៖ ពួកឧទ្ទាមហ៊ូធីយេម៉ែន បានប្រកាសថា បានបាញ់មីស៊ីលបាលីស្ទិកច្រើនគ្រាប់កាលពីថ្ងៃទី២៤ មិថុនា ឆ្ពោះ ទៅកាន់ទីក្រុងរីយ៉ាដ រាជធានីអារ៉ាប៊ីសាអ៊ូឌីត ចំណែកសារព័ត៌មានអារ៉ាប៊ីសាអ៊ូឌីត…
ប្រទេសយេម៉ែន ៖ ពួកឧទ្ទាមហ៊ូធីយេម៉ែន បានប្រកាសថា បានបាញ់មីស៊ីលបាលីស្ទិកច្រើនគ្រាប់កាលពីថ្ងៃទី២៤ មិថុនា ឆ្ពោះ ទៅកាន់ទីក្រុងរីយ៉ាដ រាជធានីអារ៉ាប៊ីសាអ៊ូឌីត ចំណែកសារព័ត៌មានអារ៉ាប៊ីសាអ៊ូឌីត បានលើកឡើងពីការស្ទាក់កម្ទេចមីស៊ីលមួយគ្រាប់គត់។
ក្នុងសេចក្ដីប្រកាសមួយចេញផ្សាយដោយទីភ្នាក់ងារសារព័ត៌មាន SABA ត្រួតត្រាដោយពួកហ៊ូធីថា ពួកឧទ្ទាមបានបាញ់មីស៊ីលជាច្រើនគ្រាប់សំដៅទៅមជ្ឈមណ្ឌ្លព័ត៌មានរបស់ក្រសួងការពារប្រទេសអារ៉ាប៊ីសាអ៊ូឌីត ព្រមទាំងលើគោលដៅជាច្រើនទៀតរបស់ប្រទេសនេះ តែពុំបានផ្ដល់ការបញ្ជាក់ច្បាស់ជាងនេះឡើយ។
ទូរទស្សន៍អារ៉ាប៊ីសាអ៊ូឌីត AL ARABIYA បាមរាយការណ៍ថា កងកម្លាំងការពារអាកាសអារ៉ាប៊ីសាអ៊ូឌីត បានបាញ់ស្ទាក់ ហើយក៏បានកម្ទេចមីស៊ីលមួយគ្រាប់នៅពីលើទីក្រុងរីយ៉ាដ។
ការវាយប្រហារនេះធ្វើឡើងក្រោយការវាយប្រហារប្រហាក់ប្រហែលគ្នានោះជាច្រើន ប្រឆាំងអារ៉ាប៊ីសាអ៊ូឌីត ប៉ុន្តែមីស៊ីលភាគច្រើនជាទូទៅត្រូវបានស្ទាក់កម្ទេច ហើយការបាញ់មីស៊ីលថ្មីៗទាំងនេះកើតមាន ខណៈការប្រយុទ្ធគ្នាយ៉ាងសាហាវនានាកំពុងតែមានការកើនឡើង នៅទីក្រុងកំពង់ផែ HODEIDA ជាប់សមុទ្រក្រហម រវាងពួកឧទ្ទាមហ៊ូធីគាំទ្រដោយអ៊ីរ៉ង់ និងកងទ័ពស្និទ្ធរដ្ឋាភិបាលយេម៉ែន ជួយទ្រទ្រង់ដោយក្រុមចម្រុះនាំមុខដោយអារ៉ាប៊ីសាអ៊ូឌីត៕
ចែករំលែកព័តមាននេះ