អ្នកស្រាវជ្រាវបាននិយាយថា អ្នកដែលមានរាងកាយសមសួនហាក់ដូចជាបន្ថយហានិភ័យនៃជំងឺលើសឈាម ។ ការសិក្សាលើជនជាតិអាមេរិកជាង៥៧.០០០នាក់ ក្នុងនោះជាង៣៥.០០០នាក់ មានសម្ពាធឈាមខ្ពស់ នៅពេលចាប់ផ្តើមនៃការស្រាវជ្រាវ ។
អ្នកដែលមានរាងកាយមិនរឹងមាំបំផុត គឺមានជាង៧០ភាគរយ ក្នុងការមានជំងឺលើសឈាម នៅពេលចាប់ផ្តើមនៃការស្រាវជ្រាវ បើធៀបទៅនឹង៥ភាគរយនៃអ្នកដែលមានកម្រិតខ្ពស់នៃកាយសម្បទារឹងមាំ ។
មនុស្សជាង៨.០០០នាក់ ត្រូវបានធ្វើរោគវិនិច្ឆ័យឃើញថា មានជំងឺលើសឈាមអំឡុងពេលនៃការស្រាវជ្រាវ ៤៩ភាគរយមានកម្រិតនៃកាយសម្បទាមិនសូវរឹងមាំ និង២១ភាគរយ មានកម្រិតកាយសម្បទាល្អបំផុត ។ អ្នកដែលមានកាយសម្បទាល្អបំផុត គឺមាន២០ភាគរយ ហាក់ដូចជាមិនសូវវិវឍ្ឍជាជំងឺលើសឈាម ជាងអ្នកដែលមានកម្រិតកាយសម្បទាមិនល្អបំផុត ។
ការផ្សាភ្ជាប់រវាងកាយសម្បទារឹងមាំ និងជំងឺលើសឈាមត្រូវបានគេមើល ដោយមិនបានគិតពីអាយុ ភេទ ជាតិសាសន៍ ការមានជំងឺលើសឈាម ឬជំងឺទឹកនោមផ្អែមនោះទេ នេះដោយយោងតាមការស្រាវជ្រាវ ដែលត្រូវបានចេញផ្សាយនៅក្នុងកាសែត Journal of the American Heart Association។
វេជ្ជបណ្ឌិតម៉ូអា អាល់ ម៉ាឡា (Mouaz Al-Mallah) បាននិយាយថា ការស្រាវជ្រាវថ្ងៃក្រោយ គឺចាំបាច់ដើម្បីមើលថាតើកម្រិតកាយសម្បទាល្អ ជះឥទ្ធិពលលើហានិភ័យនៃជំងឺលើសឈាម ។
វេជ្ជបណ្ឌិត Al-Mallah បាននិយាយថា ប្រសិនបើអ្នកកំពុងតែធ្វើលំហាត់ប្រាណ អ្នកមានកាយសម្បទាល្អ ឱកាសក្នុងការវិវឍ្ឍជាជំងឺលើសឈាម គឺតិចជាងអ្នក ដែលមានលក្ខណៈដូចគ្នា ប៉ុន្តែមិនមានកាយសម្បទាល្អ ។ ប្រហែល១/៣ នៃជនជាតិអាមេរិក មានជំងឺលើសឈាម នេះដោយយោងតាម សមាគមជំងឺបេះដូងអាមេរិក ៕
ស្រង់ពីគេហទំព័រសុខភាព
ចែករំលែកព័តមាននេះ