កម្រៃតិចពេក ច័ន្ទរិទ្ធ មេធានី សុខចិត្តរត់កង់បី
- ភ្នំពេញ
រាជធានីភ្នំពេញ ៖ អតីតតារាភាពយន្តលោកច័ន្ទឫទ្ឋិ មេធានី មិនថតកុនបែរជាងាកទៅរត់កង់បីឥណ្ឌាទៅវិញ ។ ការលេចលឺប្រកបអាជីពថ្មីនេះ ក្រោយលោកមេធានី បាត់ដានពីពិភពសិល្បៈ ។…
រាជធានីភ្នំពេញ ៖ អតីតតារាភាពយន្តលោកច័ន្ទឫទ្ឋិ មេធានី មិនថតកុនបែរជាងាកទៅរត់កង់បីឥណ្ឌាទៅវិញ ។ ការលេចលឺប្រកបអាជីពថ្មីនេះ ក្រោយលោកមេធានី បាត់ដានពីពិភពសិល្បៈ ។ មានការលើកឡើងមិនច្បាស់លាស់ថាផលិតករមួយចំនួនដែលចង់ឲ្យលោកមេធានី ចូលរួមសម្តែង តែបន្ទាបតម្លៃខ្លួនលោកពេក ទើបលោកសុខចិត្តរត់កង់បីឥណ្ឌាវិញ ។
តារាភាពយន្តលោករចនា ដួង ដែលបច្ចុប្បន្នជាផលិតករមួយរូប កាលពីពេល ថ្មីៗកន្លងមកបានសន្យាថាឲ្យតែជួបមុខលោកច័ន្ទឫទ្ឋិ មេធានីពិតជាហៅមកថតវិញមិនឲ្យលំបាកឡើយ ។
លោកច័ន្ទរិទ្ធ មេធានី អតីតតារាភាពយន្តធ្លាប់មានឈ្មោះបោះសំឡេង កាលពីជំនាន់ទសវត្ស១៩៩០នោះបាត់មុខសូន្យឈឹងពីពិភពសិល្បៈ។ ពេលនេះលោកបានបង្ហើបមូលហេតុដែលនាំឲ្យលោកចាកចេញពីសិល្បៈ ហើយបានប្រាប់ឲ្យថៅកែផលិតកម្មនានា និងតារាស្រី ក្មេងៗ លះបង់ឥរិយាបថដើម្បីលើកកម្ពស់វិស័យសិល្បៈភាពយន្ត ។
លោកច័ន្ទរិទ្ធ មេធានី គឺជាតារាសម្តែងដែលធ្លាប់មានឈ្មោះល្បីក្នុងវិស័យសិល្បៈភាពយន្ត និងទទួលបានឱកាសម្តែងជាតួឯកស្ទើរគ្រប់រឿង កាលពីអំឡុងពេលលោក ចូលប្រឡុកវិស័យសិល្បៈ ។ លោកជាតារាប្រុសដែលទទួលបានការគាំទ្រ និងមានប្រជាប្រិយភាពមិនចាញ់តារារួមជំនាន់ទេ ។ លោកច័ន្ទរិទ្ធ មេធានី បន្ទាប់ពីបាត់មុខពីការសម្តែងរយៈពេលជាច្រើនឆ្នាំមកនោះ ត្រូវមហាជន រួមទាំងមិត្តភក្តិសិល្បៈគិតស្មានថាលោកប្រហែលជាចាកចេញទៅរស់នៅឯក្រៅប្រទេសបាត់ទៅហើយ ។ ផ្ទុយទៅវិញ ថ្មីៗនេះលេចឮថាលោកច័ន្ទរិទ្ធ មេធានី កំពុងរស់នៅកម្ពុជា ជាមួយមុខរបររត់កង់បីឥណ្ឌា ។
លោករចនា ដួង តារាសម្តែងជើងចាស់ឲ្យដឹងថាសព្វថ្ងៃនេះលោកមានផលិតកម្មមួយ ហើយឆ្លៀតផលិតរឿង«វិញ្ញាណម្ចាស់ព្រៃ»ជូនផលិតកម្មរ៉ុកនិងរឿង«ឃុនឆាងឃុនផែន»។ ក្រោយទទួលដំណឹងលោកច័ន្ទរិទ្ឋ មេធានី រត់កង់បីឥណ្ឌាលោកភ្ញាក់ផ្អើល ហើយចង់ហៅឲ្យត្រឡប់មកប្រឡូកសិល្បៈវិញ ។ លោករចនា ដួង និយាយថា«គាត់មានសមត្ថភាព ទេពកោសល្យ ហើយក៏ជាតារាជើងចាស់ល្បីល្បាញសម្តែងជំនាន់ឆ្នាំ១៩៨៨ ទៅ១៩៨៩ជាមួយខ្ញុំបើទោះជាមិនធ្លាប់សម្តែងក្នុងរឿងណាមួយជាមួយគ្នា ។
លោកមេធានី ច្រើនតែចាប់ដៃគូជាមួយសុខ ស្រីមុំ នារីរត្ន័ គន្ឋា កែវ កល្យាណ ឬអម្ពរ ទេវី។ បើសិនជាលោលមេធានី ទទួលដំណឹងនេះអាចមកទាក់ទងរូបខ្ញុំផ្ទាល់ គឺចាំជួយរកទីផ្សារភាពយន្តឲ្យគាត់ត្រូវចិត្ត ។ សម័យនេះតម្លៃខ្លួនអ្នកសម្តែងមិនដូចមុនឡើយ គឺមានហាងឆេង ហើយដូចគាត់ល្បីបែបនេះគឺអាចនៅមានតម្លៃខ្លួនល្អ នេះខ្ញុំជឿជាក់ ។
ផលិតកម្មច្រើនណាស់ត្រូវការអ្នកពូកែ ហើយលោកមេធានីអាចកក្រើកឡើងវិញ ប្រសិនបើគាត់មានបំណងចូលសម្តែង ខ្ញុំធានាបើកផ្លូវជូនព្រោះស្គាល់ផលិតកម្មច្រើន ។ ខ្ញុំចង់ឲ្យមានវត្តមានសម្តែងដូចលោកចៅ ចាន់ណារី ក្រោយលំបាក ឃើញថាអាចទប់ចិត្តបានងាកមកទីផ្សារសិល្បៈវិញ ឃើញថាគាត់សប្បាយចិត្ត »។
អ្នកនាងស៊ិន ឧត្តមផល្លា បានលើកជាសំណូមពរថា «តាមពិតទៅ បើទោះជាគាត់មានវ័យចាស់មែន តែក៏គាត់អាចសម្តែងជាតួឪពុក ឬជាតួសម្តែងតារបស់គេបានដែរ ម្ល៉ោះហើយសូមសំណូមពរចង់ឲ្យក្រុមហ៊ុន ឬផលិតកម្មភាពយន្តនានា កុំទាន់បំភ្លេចចោលចំពោះតួសម្តែង ដែលមានវ័យ ចាស់ៗ ។ គាត់ជា idol របស់ខ្ញុំ គាត់ពិតជាសង្ហាណាស់ ដូចតារាឥណ្ឌា ខ្ញុំតែងព្យាយាមរកគាត់ ដើម្បីចុះផ្សាយ តែរកមិនឃើញ ទើបតែពេលនេះឃើញព័ត៌មានចុះផ្សាយ អ៊ីចឹង ខ្ញុំពិតជាអាណិតគាត់ណាស់។សង្ឃឹមថា នឹងមានអ្នកជួយដល់គាត់ដូចបង ចៅ ចាន់ណារី ដែរ»៕
ចែករំលែកព័តមាននេះ