Lionel Messi និងក្រុមការងារបាល់ទាត់អាហ្សង់ទីនកំពុងស្ថិតនៅក្បែរមាត់ជ្រោះត្រូវខ្ទាតចេញពីវគ្គជម្រុះក្នុងពូល បន្ទាប់ពីលទ្ធផលពីរប្រកួតកន្លងទៅមិនបាននាំសំណាងដល់ក្រុមសោះ ។ គិតមកទល់ពេលនេះ អាហ្សង់ទីនគឺជាក្រុមដែលយ៉ាប់ជាងគេនៅក្នុងព្រឹត្តិការណ៍ World Cup ក្នុងចំណោមក្រុមធំៗផ្សេងទៀត ។ ជាក់ស្តែង នៅថ្ងៃប្រកួតបើកឆាកដំបូងក្នុងពូលបានបញ្ចប់ដោយលទ្ធផលអាហ្សង់ទី១-១អុីស្លង់ និងប្រកួតលើកទីពីរអាហ្សង់ទី០-៣ក្រូអាស៊ី ។
ទាំង Messi និងក្រុមការងារមើលឃើញថា ការបរាជ័យក្រោយថ្វីជើងក្រូអាស៊ីគឺជាការទទួល
ខុសត្រូវរបស់លោក Sampaoli ទាំងស្រុងហើយឥឡូវនេះសភាពក្នុងក្រុមកំពុងជជែកគ្នាយ៉ាងតឹងសរសៃ.ករឿងដកអតីតគ្រូជម្រើសជាតិសញ្ជាតិស៊ីលីវ័យ៥៨ឆ្នាំរូបនេះចោលដើម្បីកុំឱ្យនាំចង្រៃដល់ក្រុមនៅក្នុងការប្រកួតលើកទី៣ចុងក្រោយ ។ កិច្ចប្រជុំភ្លាមៗមួយក៏ត្រូវបានធ្វើឡើងកាលពីថ្ងៃសុក្រ ទី២២ មិថុនា កន្លងទៅ រវាងកីឡាករទាំង២៣រូប គ្រូបង្វឹកលោក Sampaoli បុគ្គលិកជំនួយការគ្រូបង្វឹក និងប្រធានសហព័ន្ធបាល់ទាត់អាហ្សង់ទីនលោក Claudio Tapia ។
កីឡាករ Javier Mascherano ត្រូវបានជ្រើសតាំងជាមេគំនិតរឿងដកតំណែងលោក Sampaoli ខណៈខ្សែបម្រើរូបនេះក៏បានលើកឡើងពីការផ្លាស់ប្តូរមួយដើម្បីស្រោចស្រង់ក្រុមចេញពីជ្រោះមរណៈមុនការប្រកួតជាមួយក្រុមនីហ្សេរីយ៉ាមកដល់ ។ កីឡាករទាំងអស់ចង់ឱ្យម្ចាស់ជ័យលាភី World Cup ១៩៨៦ លោក Jorge Barruchaga វ័យ៥៥ឆ្នាំ ដែលបច្ចុប្បន្នជាសមាជិកគ្រូបង្វឹកជម្រើសជាតិអាហ្សង់ទីនស្រាប់កាន់តំណែងជំនួសលោក Sampaoli វិញ ។
និយាយទៅ អាហ្សង់ទីនមានដង្ហើមរស់ទៅវគ្គ១៦ក្រុមតិចណាស់ពោលគឺក្រុមដែលឈរនៅលេខពីរកាល World Cup នៅប្រេស៊ីល៤ឆ្នាំមុននេះ ស្ថិតនៅលេខរៀងទី៤មានតែ១ពិន្ទុប៉ុណ្ណោះក្នុងតារាងពូល D ដែលជាតំបន់កាត់ចោលដ៏គ្រោះថ្នាក់បំផុត ។ ទន្ទឹមគ្នានេះដែរ ក្រោយបរាជ័យប្រកួតទីពីរកីឡាករក្នុងក្រុមអស់ជំនឿលើលោក Sampaoli រលីង ៕
ចែករំលែកព័តមាននេះ