ការប្រកួតជីនៀសអូឡាំព្យាដរួមផ្ដុំនូវការបង្ហាញអព្ភន្ដរញ្ញាណអស្ចារ្យ ថ្វីគំនិត និងសេចក្ដីអំណត់អត់ធ្មត់នៃបញ្ញា នៅក្នុងវគ្គប្រកួតផ្ដាច់ព្រ័ត្រដែលបានប្រព្រឹត្តទៅនៅទីក្រុងញូវយ៉ក កាលពីថ្ងៃទី១១ ដល់១៦ ខែមិថុនានេះ។
វគ្គប្រកួតផ្ដាច់ព្រ័ត្រនៃការប្រកួតជីនៀសអូឡាំព្យាដសម្រាប់ឆ្នាំនេះ បានប្រព្រឹត្តទៅនៅសាកលវិទ្យាញូវយ៉ក ក្នុងទីក្រុងអូស្វីហ្គូ ដែលបានបញ្ចប់កាលពីថ្ងៃសៅរ៍ ទី១៦ ខែមិថុនានេះ ដោយបេក្ខជនឆ្នើមរបស់យើងបានឡើងទៅទទួលមេដាយនៅលើវេទិកាកត្តិយស។
បញ្ញវន្តវ័យក្មេងពីសាលាអន្តរជាតិហ្សាម៉ាន់ ដែលមានសមត្ថភាពឡើងទៅវគ្គផ្ដាច់ព្រ័ត្រ បានធ្វើដំណើរទៅសហរដ្ឋអាមេរិក ហើយបានធ្វើឱ្យសាលា និងប្រទេសជាតិមានមោទនភាព ដោយការដណ្ដើមបានមេដាយចំនួន៧គ្រឿង។
Chanbopear Peng និង Pichpanchapor Saing ឈ្នះមេដាយមាសពីវិញ្ញាសាររ៉ូបូត ហើយ Sopheara Chea និង Sophearom Chea ឈ្នះមេដាយប្រាក់ពីវិញ្ញាសារតន្ត្រី។ Michelle Seth និង Chonineath Seng ទទួលបានមេដាយសំរឹទិ្ធពីវិញ្ញាសាររ៉ូបូត ហើយ Nermin Karaosmanoglu ទទួលបានមេដាយសំរឹទិ្ធពីវិញ្ញាសារតន្ត្រី។
នាយកវិទ្យាល័យសិក្សា នៃសាលាអន្តរជាតិហ្សាម៉ាន់ លោក Ramazan ក៏បានអមដំណើរជាមួយមាតាបិតា និងអ្នកគ្រូ លោកគ្រូ សិស្សផងដែរ។ បន្ទាប់ពីបានបំពេញការងារអស់រយៈ១ឆ្នាំ នៅសាលាអន្តរជាតិហ្សាម៉ាន់មក លោកមានអារម្មណ៍ជំរុញទឹកចិត្ត ដោយសារតែសមត្ថភាពដ៏មិននឹងស្មានដល់របស់ប្អូនៗសិស្សានុសិស្សយើង។ លោកបានលើកឡើងថា ៖ «ជារួម នេះជាសមិទ្ធផលដ៏ដំធេង ដោយសិស្សានុសិស្សរបស់យើងបានបង្ហាញសមត្ថភាពប្រកួតប្រជែងបញ្ញាជាមួយគូប្រកួតខ្លាំងៗដែលមកពីជុំវិញពិភពលោក»។
ការប្រកួតជីនៀសអូឡាំព្យាដ លើកកម្ពស់ការយល់ដឹងបែបសកលស្ដីពីបញ្ហាបរិស្ថាន និងការសម្រេចឱ្យបាននូវនិរន្តរភាពបរិស្ថាន តាមរយៈវិទ្យាសាស្ត្រមូលដ្ឋាន សិល្បៈ សំណេរច្នៃប្រឌិត វិស្វកម្ម ការរចនាម៉ូដ និងការអភិវឌ្ឍអាជីវកម្ម។
កម្មវិធីប្រកួតប្រជែងគួរឱ្យគោរពនេះត្រូវបានបង្កើតឡើងដោយ Terra Science and Education ហើយវគ្គផ្ដាច់ព្រ័ត្រសម្រាប់ឆ្នាំនេះបានប្រព្រឹត្តទៅនៅអូស្វីហ្គូ ទីក្រុងញូវយ៉ក អាហរដ្ឋអាមេរិក ក្រៅពីការប្រកួតប្រជែងដ៏ស្វិតស្វាញប្រចាំថ្ងៃនីមួយៗ សិស្សានុសិស្សរបស់យើងក៏មានឱកាសធ្វើទំនាក់ទំនងសង្គមជាមួយមិត្តប្រកួត ដើម្បីបង្កើតមិត្តភាពយូរអង្វែង។
លើសពីនេះ គេមានទទួលអាហារពេលល្ងាចដល់សិស្សានុសិស្សយើង នៅបរិវេណសាកលវិទ្យាល័យ និងមានដំណើរកម្សាន្តទៅតំបង់ និងកន្លែងទេសចរណ៍ផ្សេងៗផងដែរ។
ការប្រកួតឆ្នាំនេះក៏មានបញ្ចូលដំណើរកម្សាន្តទៅកាន់ Big Apple ឱកាសទៅទស្សនា Niagara Falls និង Washington DC ដែលជារាជធានីនៃសេតវិមាន (the White House)។គម្រោងដ៏ច្រើនសន្ធឹកសន្ទាប់ចំនួន១៦៥៧ របស់បេក្ខជនប្រកួតមកប្រទេសចំនួន៧០ បានដាក់ចូលប្រកួតកាលពីដើមឆ្នាំនេះ ដែលនេះសរបញ្ជាក់ថា ការប្រកួតប្រជែងនេះមានលក្ខណៈជាសកលយ៉ាងពិតប្រកដ៕
ចែករំលែកព័តមាននេះ