ការឲ្យវត្ថុដទៃនោះវាជារឿងខាងក្រៅទេ តែការផ្តល់នូវទានជាព្រះធម៌ ជារឿងខាងក្នុង ជាប្រយោជន៍ដល់រាងកាយផង និងជាប្រយោជន៍ដល់ផ្លូវចិត្តផង ។របស់ណាដែលជាប្រយោជន៍ដល់ចិត្ត ជារបស់ដែលយើងគួរឲ្យ គួរចែករំលែកជាការចាំបាច់បំផុត ឬថាគួរនាំគេឲ្យមកទទួលដឹងឮក្នុងរឿងដែលគេគួរយល់ គួរដឹងនៅក្នុងគោលធម៌ព្រះពុទ្ធសាសនា…
ការឲ្យវត្ថុដទៃនោះវាជារឿងខាងក្រៅទេ តែការផ្តល់នូវទានជាព្រះធម៌ ជារឿងខាងក្នុង ជាប្រយោជន៍ដល់រាងកាយផង និងជាប្រយោជន៍ដល់ផ្លូវចិត្តផង ។របស់ណាដែលជាប្រយោជន៍ដល់ចិត្ត ជារបស់ដែលយើងគួរឲ្យ គួរចែករំលែកជាការចាំបាច់បំផុត ឬថាគួរនាំគេឲ្យមកទទួលដឹងឮក្នុងរឿងដែលគេគួរយល់ គួរដឹងនៅក្នុងគោលធម៌ព្រះពុទ្ធសាសនា ដើម្បីបានដោះស្រាយក្នុងបញ្ហាជិវិតរបស់គេឱ្យបានស្រាកស្រាន្ត ។
ព្រោះហេតុនោះបើយើងបានឃើញមិត្តភក្តិរបស់យើងណាម្នាក់មានទុក្ខកង្វល់ យើងក៏ទៅបបួលគេឱ្យចូលក្នុងទីអារាមដូចជា នៅថ្ងៃឧបោសថសីល ថ្ងៃបុណ្យទានជាដើម យើងក៏ទៅបបួលគេមកអង្គុយបានស្តាប់ បានរៀន បានដឹងពីរឿងជីវិតតាមផ្លូវព្រះពុទ្ធសាសនា ឲ្យគេបានយល់ដឹងការពិត បានភ្លឺស្វាងអារម្មណ៍ គេក៏បានធូរថយ ស្រាកស្រាន្តពីសេចក្តីទុក្ខក្តៅក្រហាយចិត្តជាក់ជាពុំខាន ។ ការជួយមិត្តភក្តិក្នុងសភាពបែបនេះគឺជាការជួយត្រូវ ជួយដ៏ពិតប្រាកដ ធ្វើឲ្យមិត្តសម្លាញ់បានទទួលសេចក្តីសុខតាមផ្លូវចិត្ត ។
ការសាងគុណធមម៌ឲ្យចម្រើនក្នុងចិត្តខ្លួនផង និងជួយឲ្យអ្នកដទៃបានយល់ពីគុណធម៌ផង គឺជាអត្ថប្រយោជន៍ដ៏ខ្លាំងក្លាក្នុងខ្សែជីវិត ។
ចែករំលែកព័តមាននេះ