រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ស្ត្រីប្រពន្ធស្លាប់នៅនឹងកន្លែង កូនរងរបួសស្រាល ក្នុងហេតុការណ៍គ្រោះថ្នាក់ចរាចរណ៍មួយ បន្ទាប់ពីរថយន្តដឹកទឹកកកមួយគ្រឿង បើកបុកពីក្រោយយ៉ាងពេញទំហឹង កើតឡើងកាលពីវេលាម៉ោង០៦ព្រឹកថ្ងៃទី២៥ មិថុនា នេះ ស្ថិតត្រង់ចំណុចផ្លូវជាតិលេខ៤ (មុខតំបន់សេដ្ឋកិច្ចពិសេស) ក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ ។
សេចក្តីរាយករណ៍បន្តថា ស្ត្រីដែលស្លាប់ឈ្មោះសុខា ស៊ីណា អាយុ៣៥ឆ្នាំ ជាកម្មការិនីរោងចក្រ មានប្តីឈ្មោះលន់ សុភក្ត្រ អាយុ២៧ឆ្នាំ មានស្រុកកំណើតនៅខេត្តកណ្តាល បច្ចុប្បន្ន ស្នាក់នៅកន្លែងកើតហេតុ ។ ដោយឡែកខាងរថយន្តដឹកទឹកកក មិនត្រូវស្គាល់អត្តសញ្ញាណអ្នកបើកនោះទេ ព្រោះបានដាក់មេប្រូចរត់បាត់ស្រមោល បន្សល់ទុកតែរថយន្តនៅកន្លែងម៉ាកហ៊ីយ៉ាន់ដាយ ពាក់ស្លាកលេខ 3D-6120 ។
ប្រភពបន្តថា នៅមុនពេលកើតហេតុ ភាគីខាងម៉ូតូឌុបគ្នា៣នាក់ (ប្តី-ប្រពន្ធ-កូន) ធ្វើដំណើរពីកើត ទៅលិច ។ លុះដល់ចំណុចកើតហេតុ ខណៈរថយន្តដឹកទឹកកកខាងលើ បានព្យាយាមបើកជែងរថយន្តមួយគ្រឿងទៀតនៅខាងស្តាំដៃ ក៏ជ្រុលបុកម៉ូតូពីក្រោយពេញទំហឹងតែម្តង បណ្តាលឱ្យស្ត្រីជាប្រពន្ធធ្លាក់ពីម៉ូតូស្លាប់ភ្លាមៗនៅនឹងកន្លែង ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ