រាជធានីភ្នំពេញ ៖ បុរសជាអ្នករត់កង់បីម្នាក់ត្រូវក្រុមចោរប្រាប់ឲ្យដឹកទៅផ្ទះសង្សាររបស់គេ ពេលទៅដល់កន្លែងស្ងាត់ធ្វើសកម្មភាពវាយប្លន់យកកាបូបលុយនឹងទូរស័ព្ទ រួចយកកង់បីយកទៅប្លុងចោលបង្កឲ្យមានការភ្ញាក់ផ្អើលកាលពីវេលាម៉ោង៦ព្រលប់ថ្ងៃទី២៤ ខែមិថុនា ឆ្នាំ២០១៨ នៅតាមបណ្តោយផ្លូវលំ ទល់មុខវត្តស្រះ ដែលស្ថិតនៅសង្កាត់កំបូល…
រាជធានីភ្នំពេញ ៖ បុរសជាអ្នករត់កង់បីម្នាក់ត្រូវក្រុមចោរប្រាប់ឲ្យដឹកទៅផ្ទះសង្សាររបស់គេ ពេលទៅដល់កន្លែងស្ងាត់ធ្វើសកម្មភាពវាយប្លន់យកកាបូបលុយនឹងទូរស័ព្ទ រួចយកកង់បីយកទៅប្លុងចោលបង្កឲ្យមានការភ្ញាក់ផ្អើលកាលពីវេលាម៉ោង៦ព្រលប់ថ្ងៃទី២៤ ខែមិថុនា ឆ្នាំ២០១៨ នៅតាមបណ្តោយផ្លូវលំ ទល់មុខវត្តស្រះ ដែលស្ថិតនៅសង្កាត់កំបូល ខណ្ឌពោធិ៍សែនជ័យ ។
ជនរងគ្រោះមានឈ្មោះ សែម សេងហួរ ភេទប្រុស អាយុ៣៦ឆ្នាំ មុខរបរត់កង់បី ស្នាក់នៅសង្កាត់ស្វាយប៉ាក ខណ្ឌឬស្សីកែវ មានស្រុកកំណើតនៅភូមិបោះខ្នុរ ឃុំបោះខ្នុរ ស្រុកចម្ការលើ ខេត្តកំពង់ចាម ជាអ្នករត់កង់បី ឥណ្ឌា ពណ៌ក្រហមពាក់ស្លាកលេខ ភ្នំពេញ1HB-7410 ។ សម្ភារដែលជនសង្ស័យប្លន់យកទៅរួមមានទូរស័ព្ទ ម៉ាកសាំស៊ុង១គ្រឿង និងកង់បីឥណ្ឌា ។ តាមប្រភពព័ត៌មានពីជនរងគ្រោះបាននិយាយថា នៅមុនពេលកើតហេតុ រូបគាត់ត្រូវបានជនសង្ស័យដែលមានគ្នា៣នាក់ បានហៅគាត់ឲ្យឌុបទៅផ្ទះសង្សារគាត់នៅម្តុំវត្តឃ្មួញ ដោយដឹកពីម្តុំគីឡូលេខ៦ ក្នុងតម្លៃ២៥០០០រៀល ខណៈពេលដឹកជនសង្ស័យតាមផ្លូវលំដែលជនរងគ្រោះស្គាល់ថា មិនមែនជាផ្លូវទៅវត្តឃ្មួញ តែជនសង្ស័យបាននិយាយថា ផ្លូវនឹងហើយពួកគាត់មិនច្រឡំទេ លុះបើកមកដល់ចំណុចកើតហេតុជាកន្លែងស្ងាត់ ជនសង្ស័យទាំង៣នាក់បានឲ្យគាត់ឈប់ បន្ទាប់មកជនសង្ស័ទាំង៣នាក់បានវាយជាច្រើនដៃចំកណ្តាលមុខ បណ្តលឲ្យបែកមុខបែកមាត់ឈាមហូរពេញមុខ ហើយយកកាំបិតភ្ជង់សង្កត់ចុះក្រោមមិនឲ្យគាត់រើបម្រាស់ឡើយ ។
ជនរងគ្រោះបានបន្តទៀតថា ភ្ជង់នឹងសង្កត់.កគាត់ចុះក្រោមនៅក្នុងកង់បីបិទជិត ដោយជនសង្ស័យម្នាក់ជានាក់បើក ហើយ២នាក់ជានាក់សង្កត់នឹងភ្ជង់ហើយដឹកចេញពីកន្លែងកើតហេតុជាច្រើនម៉ែត្រនៅជិតវត្តពោធិ៍វ័ន្តដោយឃើញមានភ្លើងភ្លឺ ជនរងគ្រោះបានបំរើបម្រាស់ស្រែកឲ្យគេជួយ បន្ទាប់មកជនសង្ស័យបានធាក់ទម្លាក់ពីលើកង់បីរងបួសយ៉ាងធ្ងន់ធ្ងរ ហើយជនសង្ស័យបានបើករត់ បន្ទាប់មកគាត់បានឲ្យប្រជាពលរដ្ឋជួយឃាត់ជនសង្ស័យខាងលើ និងប្តឹងសមត្ថកិច្ចឲ្យជួយអន្តរាគមន៍ភ្លាមៗផងដែរ លុះជនសង្ស័យទាំង៣នាក់ខាងលើបើកមកដល់ខ្លោងទ្វារវត្តពោធិ៍ខាងលើដែលនៅឆ្ងាយពីវត្តបានប្លុងកង់បីចោល ហើយរត់គេចខ្លួនបាត់ទោះដោយសមត្ថកិច្ចខំដេញតាមដែរ តែតាមមិនទាន់ ។
ក្រោយពេលកើតហេតុជនរងគ្រោះដោយសារតែវង្វេងកន្លែងកើតហេតុរកមិនឃើញ ហើយសមត្ថកិច្ចបាននាំជនរងគ្រោះរកទីតាំងខាងលើជាច្រើនម៉ោងទើបរកឃើញ រួចសមត្ថកិច្ចឲ្យជនរងគ្រោះទៅដាក់ពាក់បណ្តឹងនៅប៉ុស្តិ៍គរបាលកំបូល ដើម្បីឲ្យសមត្ថកិច្ចស្រាវជ្រាវ ជនសង្ស័យមកផ្តល់ទារទោសតាមច្បាប់ ៕
ចែករំលែកព័តមាននេះ