រាជធានីភ្នំពេញ ៖ គណបក្សនយោបាយចំនួន១៩ ក្នុងចំណោមគណបក្សនយោបាយ២០ ដែលចូលរួមប្រកួតប្រជែងការបោះឆ្នោតនៅពេលខាងមុខនេះ មិនអាចរកអ្នកសង្កេត ការណ៍សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦ បានគ្រប់ការិយាល័យបានទេ តែ គ.ជ.ប បានចាត់តែងរួចហើយ។ នេះបើតាមការអះអាងរបស់អតីតអ្នកនាំពាក្យគណបក្ស សង្គ្រោះជាតិ។ លោក យ៉ែម បុញ្ញាឫទ្ធិ អតីតអ្នកនាំពាក្យគណបក្សសង្គ្រោះជាតិបាន អះអាងលើបណ្តាញសង្គម នៅថ្ងៃទី២៣ មិថុនា យ៉ាងដូច្នេះថា«ប្រហែលជាបានគិតរួចហើយថា ក្រៅពីបក្សកាន់អំណាច គណបក្ស១៩ មិនអាចរកភ្នាក់ងារសង្កេតការណ៍ បានគ្រប់ការិយាល័យ ទេ ក៏ប៉ុន្តែមិនថ្វីទេមាន គ.ជ.ប ចាត់ចែងហើយ។ ហើយលទ្ធផលយើងនឹងបានដឹងៗថានឹង ឈ្នះមែនឬអត់… សូមរង់ចាំទស្សនា នឹងមកដល់ក្នុងពេលឆាប់ៗនេះ..»។ លោកបានសរសេរ រៀបរាប់ទៀតថា ការប្រកួតប្រជែងនយោបាយ គេត្រូវការការប្រកួតដោយស្មើមុខ ស្មើភាព អាជ្ញាកណ្ដាលអព្យាក្រឹត(គ.ជ.ប) ប្រព័ន្ធផ្សព្វផ្សាយ គោលនយោបាយ រចនាសម្ព័ន្ធក្រុមដឹកនាំ សកម្មភាពជាប្រចាំ ភ្នាក់ងារសង្កេតការណ៍របស់គណបក្សនយោបាយតាមការិយាល័យ បោះឆ្នោត (២២.៩៦៧ការិយាល័យ) ពីព្រោះបក្សដែលវាយតម្លៃថាឈ្នះមានច្រើន។
លោកបន្ថែមថា សម្រាប់១៩បក្សដែលសម្រេចចិត្តចូលរួមប្រកួតប្រជែងការបោះឆ្នោត នាពេលខាងមុខ បើទោះបីជាស្ថានភាពនយោបាយ សិទ្ធិមនុស្ស ប្រជាធិបតេយ្យ សិទ្ធិសេរី ភាពនៃការជួបជុំ សិទ្ធិសេរីភាពនៃការបញ្ចេញមតិ សិទ្ធិនយោបាយ មានការខុសប្លែកពីមុន មាន ភាពមិនប្រក្រតីដោយចាប់ឃុំខ្លួនប្រធានបក្សប្រឆាំង រំលាយបក្សប្រឆាំងក្ដី។ ប៉ុន្តែការសម្រេច ចិត្តគឺចូលរួម យើងគោរពសិទ្ធិនៃការសម្រចរបស់១៩បក្ស។ យ៉ាងណាក្តីការលើកឡើងរបស់អតីតអ្នកនាំពាក្យគណបក្សប្រឆាំងនេះ មិនត្រូវទាន់បាន ការបំភ្លឺពីអ្នកនាំពាក្យគណៈកម្មាធិការជាតិរៀបចំការបោះឆ្នោតបានយ៉ាងណានៅទេ។ ប៉ុន្តែ តាមការអះអាង របស់គ.ជ.ប កាលពីពេលកន្លងមក ធ្លាប់លើកឡើងថាការបោះឆ្នោតនឹងដំ ណើរទៅមុខជាធម្មតា។ គ.ជ.ប ក៏បានស្នើឲ្យក្រសួងមហាផ្ទៃចាត់វិធានការចំពោះអ្នកដែល អំពាវនាវកុំឲ្យពលរដ្ឋទៅបោះឆ្នោត នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះទៅតាមច្បាប់ជាធរមានផងដែរ។ គ.ជ.ប ក៏បានអំពាវនាវឲ្យពលរដ្ឋដែលមានឈ្មោះ ក្នុងបោះឆ្នោតទាំងអស់អញ្ជើញទៅបោះឆ្នោត ដើម្បីជ្រើសរើសថ្នាក់ដឹកនាំប្រទេសដែលខ្លួនពេញចេញ និងស្រឡាញ់ដើម្បីដឹកនាំប្រទេស ក្នុង រយៈពេល៥ឆ្នាំម្តង ព្រោះថាការបោះឆ្នោតជាការសម្រេចចិត្តដោយគ្មានការបង្ខិតបំង្ខំបានទេ ការបោះឆ្នោតជាការសម្ងាត់។
សជ្រាមថាការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ នឹងប្រព្រឹត្តិទៅនៅថ្ងៃទី២៩ ខែកក្កដា ឆ្នាំ២០១៨ ដោយគណបក្សនយោបាយចូលរួមប្រកួតប្រ ជែងចំនួន២០គណបក្ស។ គ.ជ.ប បានកំពុងធ្វើការបោះពុម្ពសន្លឹកឆ្នោត ដើម្បីបម្រើដល់ការបោះឆ្នោត នៅថ្ងៃទី២៩ កក្កដា មានចំនួន ១០,៥២៥,៦៥០សន្លឹក។ ក្នុង នោះសន្លឹកឆ្នោត ៣២៩ ,២០០សន្លឹក ជាសន្លឹកឆ្នោតគំរូ ហើយក្រៅពីនោះក៏មានសន្លឹកឆ្នោត ស ម្រាប់ប្រើប្រាស់ដើម្បីបណ្តុះបណ្តាលមន្ត្រី និងសន្លឹកឆ្នោតត្រៀមបម្រុងនៅ តាមការិយាល័យបោះ ឆ្នោតនីមួយៗផងដែរ។ ក្នុងសន្លឹកឆ្នោតមួយសន្លឹកចំណាយថវិកាប្រមាណ៩៩០រៀល ដូច្នេះសន្លឹកឆ្នោតជាង១០លានសន្លឹក នេះចំណាយថវិកាសរុបជា១០ពាន់លានរៀល (១០,៤ ២០ ,៣៩៣ , ៥០ ០ រៀ ល) ស្មើនឹងជាង ២.៦ លានដុល្លារ។ គិតត្រឹមថ្ងៃទី១៥ មិថុនា គ.ជ.ប បា នបោះពុម្ពសន្លឹកឆ្នោតបាន១៤ខេត្ត គិតជាភាគរយសម្រេចបាន៥០ភាគរយហើយ។ ខេត្តដែលបោះពុម្ពសន្លឹកឆ្នោតរួចនោះ រួមមាន៖ខេត្តកំពត កែប ប៉ៃលិន កោះកុង បន្ទាយមានជ័យ ក្រចេះ កំពង់ឆ្នាំង ព្រះវិហារ រតនគិរី បាត់ដំបង សៀមរាប កំពង់ស្ពឺ ត្បូងឃ្មុំ និងខេត្តតាកែវ។
គួរបញ្ជាក់ថាសម្រាប់ ចំនួនអាសនៈក្នុងរដ្ឋសភា២០១៨ អាណត្តិទី៦សរុបចំនួន១២៥អាសនៈ ត្រូវបានបែងចែកដូចខាងក្រោម ៖ ១- មណ្ឌលខេត្តបន្ទាយមានជ័យ មាន ៦អាសនៈ ២-មណ្ឌលខេត្តបាត់ដំបង មាន៨អាសនៈ ៣- មណ្ឌលខេត្តកំពង់ចាម មាន១០ អាសនៈ ៤- មណ្ឌលខេត្តកំពង់ឆ្នាំង មាន៤អាសនៈ ៥- មណ្ឌលខេត្តកំពង់ស្ពឺ មាន៦អាសនៈ ៦- មណ្ឌលខេត្តកំពង់ធំ មាន ៦អាសនៈ ៧- មណ្ឌលខេត្តកំពត មាន៦អាសនៈ ៨- មណ្ឌលខេត្តកណ្តាល មាន១១អាសនៈ ៩- មណ្ឌលខេត្តកោះកុង មាន១អាសនៈ ១០- មណ្ឌលខេត្តក្រចេះ មាន៣អាសនៈ ១១- មណ្ឌលខេត្តមណ្ឌលគិរី មាន១អាសនៈ ១២- មណ្ឌលរាជធានីភ្នំពេញ មាន ១២អាសនៈ ១៣- មណ្ឌលខេត្តព្រះវិហារ មាន១អាសនៈ ១៤- មណ្ឌលខេត្តព្រៃវែង មាន១១អាសនៈ ១៥- មណ្ឌលខេត្តពោធិ៍សាត់ មាន៤អាសនៈ ១៦- មណ្ឌលខេត្តរតនគិរី មាន១អាសនៈ ១៧- មណ្ឌលខេត្តសៀមរាប មាន៦អាសនៈ ១៨- មណ្ឌលខេត្តព្រះសីហនុ មាន៣អាសនៈ ១៩- មណ្ឌលខេត្តស្ទឹងត្រែង មាន១អាសនៈ ២០- មណ្ឌលខេត្តស្វាយរៀង មាន៥អាសនៈ ២១- មណ្ឌលខេត្តតាកែវ មាន៨អាសនៈ ២២- មណ្ឌលខេត្តកែប មាន១អាសនៈ ២៣- មណ្ឌលខេត្តប៉ៃលិន មាន១អាសនៈ ២៤-មណ្ឌលខេត្តឧត្តរមានជ័យ មាន១អាសនៈ ២៥-មណ្ឌលខេត្តត្បូងឃ្មុំ មាន៨អាសនៈ៕
ចែករំលែកព័តមាននេះ