ខេត្តកណ្តាល ៖ បុរសម្នាក់បានសម្រេចចិត្តលោតទឹកសម្លាប់ខ្លួន ខណៈដែលជិះម៉ូតូមកឆ្លងទូកដ (កំពង់ចម្លងព្រែកតូច) ពេលឆ្លងដល់ចម្ងាយប្រហែលជាង៣០ម៉ែត្រពីច្រាំង ជនរងគ្រោះមានសភាព ស្រវឹងស្រា រួចក៏បានលោតទឹកបាត់ខ្លួនតែម្ដង។ ហេតុការណ៍នេះបានកើតឡើងនៅថ្ងៃអាទិត្យ១២កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែមិថុនា ឆ្នាំ២០១៨ វេលាម៉ោង១០យប់ នៅចំណុចភូមិបារ៉ែនក្រោម ឃុំស្វាយប្រទាល ស្រុកស្អាងខេត្តកណ្តាល។ នគរបាលស្រុកស្អាងបានឲ្យ ដឹងថា ជនរងគ្រោះឈ្មោះ ទាងហោ ស៊ុយ ភេទប្រុស អាយុ១៩ឆ្នាំ ជនជាតិខ្មែរ នៅភូមិព្រែកឃុំ ត្រើយស្លា ស្រុកស្អាង ខេត្តកណ្តាល មុខរបរកសិករ។ សាក្សីបានប្រាប់ឲ្យដឹងថា នៅថ្ងៃទី២២ មិថុនា ២០១៨ វេលាម៉ោង១២យប់ ជនរងគ្រោះបានជិះម៉ូតូមកឆ្លងទូកដ (កំពង់ចម្លងព្រែកតូច) ពេលឆ្លងដល់ចម្ងាយប្រហែលជាង៣០ម៉ែត្រពីច្រាំង ជនរងគ្រោះមានសភាពស្រវឹងស្រា រួចក៏បានលោតទឹកបាត់ខ្លួនតែម្ដង។ លុះដល់ថ្ងៃទី២៤ មិថុនា ២០១៨ វេលាម៉ោង០៨ និង១៥នាទី ទើបប្រទះឃើញសាកសពអណ្តែកទឹកក្នុងទន្លេបាសាក់ ស្ថិតនៅភូមិពោធិលើ ឃុំត្រើយស្លា ស្រុកស្អាង ខេត្តកណ្តាល។ ក្រោយបានទទួលព័ត៌មាន សមត្ថកិច្ចប៉ុស្តិ៍ត្រើយស្លា ស្វាយប្រទាល បានសហការ ជាមួយផ្នែកជំនាញពិនិត្យហេតុស្រុកក្រុមប្រឹក្សាឃុំ មេភូមិ បានពិនិត្យសាកសពឃើញថាពុំមានស្លាកស្នាម អ្វីគួរឲ្យកត់សម្គាល់ឡើយ ជនរងគ្រោះស្លាប់ដោយសារលង់ទឹក។ ក្រោយពីពិនិត្យរួចសពបានប្រគល់ឲ្យ គ្រួសារយកទៅធ្វើបុណ្យតាមប្រពៃណី៕ ឆ ដា
ចែករំលែកព័តមាននេះ