រាជធានីភ្នំពេញ ៖ទីតាំងជល់មាន់លួចលាក់មួយកន្លែងត្រូវបានកម្លាំងនគរបាលខណ្ឌឫស្សីកែវ ចុះបង្ក្រាបដោយឃាត់ខ្លួនក្រុមអ្នកញៀនល្បែងចំនួន៥នាក់ មាន់៣ក្បាល់ និងកន្ត្រកសម្រាប់ដាក់ មាន់ចំនួន២។ ការចុះបង្ក្រាបល្បែងស៊ីសងនេះ ធ្វើឡើងកាលពីវេលាម៉ោង១១ព្រឹក ថ្ងៃទី២៤ ខែមិថុនា ឆ្នាំ២០១៨ នៅចំណុចផ្លុវបេតុងទួលតាប៉ុក ក្នុងដីឡូត៍ទុកចោល ក្រោយដើមពុទ្រា ក្រុម១៣ ភូមិបឹងឈូក សង្កាត់គីឡូម៉ែត្រ៦។ ក្នុងការចុះបង្ក្រាបមានការចូលរួមសហការជាមួយកម្លាំង ប្រជាការពារសង្កាត់ ផងដែរ។
ក្រុមអ្នកញៀនល្បែងដែលឃាត់ខ្លួនរួមមាន ១/ឈ្មោះ សេង សុធី ភេទប្រុស អាយុ៣៩ឆ្នាំ ជនជាតិខ្មែរ ស្នាក់នៅភូមិក្រោលគោ សង្កាត់គីឡូម៉ែត្រ៦ មុខរបររត់ម៉ូតូឌុប, ២/ឈ្មោះ ម៉ម តុលា ភេទប្រុស អាយុ៤០ឆ្នាំ ជនជាតិខ្មែរ ស្នាក់នៅភូមិក្រោលគោ សង្កាត់គីឡូម៉ែត្រ៦ មុខរបរបើកបររថយន្ត, ៣/ឈ្មោះ រី អាម៉ាត់ ភេទប្រុស អាយុ២៧ឆ្នាំ ជនជាតិខ្មែរឥស្លាម ស្នាក់ភូមិ៣ សង្កាត់ច្រាំចំរេះ១ មុខរបរកាប់គោ, ៤/ឈ្មោះ ម៉េត សុភាព ភេទប្រុស អាយុ២៣ឆ្នាំ ជនជាតិខ្មែរ ស្នាក់នៅភូមិក្រោលគោ សង្កាត់គីឡូម៉ែត្រ៦ មុខរបររកម្មកសំណង់, និង៥/ឈ្មោះ នួន សុផលភក្កី ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅសង្កាត់ឃ្មួញ ខណ្ឌសែនសុខ មុខរបររត់ម៉ូតូឌុប។
តាមនគរបាលបានឲ្យដឹងថា ទីតាំងសង្វៀនជល់មាន់នេះបានបើកលួច និងណាត់គ្នាលេងភាគច្រើនថ្ងៃសៅរិ៍ និងអាទិត្យ។ ដោយមានការស្រាវជ្រាវអស់ប្រមាណ៣សប្តាហ៍សមត្ថកិច្ចឈានទៅចុះបង្ក្រាប់តែម្តង។ តាមព័ត៌មានបានឲ្យដឹងថា នៅព្រឹកក្រុមអ្នកញៀនមានរត់ប្រសាចខ្លះចោលម៉ូតូ និងមាន់។ ប្រជាពលរដ្ឋឲ្យដឹងថា បើសមត្ថកិច្ចបង្ក្រាបពេលរសៀលវិញច្បាស់ជាឃាត់បានច្រើនជាងនេះ។ តាមនគរបាលខណ្ឌបានឲ្យដឹងទៀតថា អ្នកញៀនល្បែង៥នាក់ ត្រូវឃាត់ខ្លួនព្រមទាំងដកហូតវត្ថុតាង រួមមានមាន់ចំនួន០៣ក្បាល ងាប់០១ សល់០២ក្បាល, ២-កន្ត្រកសម្រាប់ច្រកមាន់ចំនួន០២ ម៉ូតូចំនួន០៣គ្រឿង។ ក្រុមអ្នកលេងភ្នាល់ និងវត្ថុតាងត្រូវសមត្ថកិច្ចបញ្ជូនទៅកាន់អធិការដ្ឋាន សាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី៕
https://youtu.be/OIK5m9DQfcU
ចែករំលែកព័តមាននេះ