ដើមឈើមានជើងចេះដើរ
ដើម The Socratea exorrhiza ប្រហែលជាដើមឈើដែលអាចចល័តទីបានតែមួយគត់ក្នុងលោក ។ ប្រព័ន្ធស្មុគស្មាញនៃឫសគល់ប្រៀបដូចជាជើងរបស់មនុស្សជួយឱ្យដើម The Socratea exorrhiza…
ដើម The Socratea exorrhiza ប្រហែលជាដើមឈើដែលអាចចល័តទីបានតែមួយគត់ក្នុងលោក ។ ប្រព័ន្ធស្មុគស្មាញនៃឫសគល់ប្រៀបដូចជាជើងរបស់មនុស្សជួយឱ្យដើម The Socratea exorrhiza អាចផ្លាស់ទីបានទៅរកកន្លែងមានពន្លឺព្រះអាទិត្យនៅរដូវផ្លាស់ប្តូរម្តងៗ ។ Walking Tree ឬដើមឈើចេះដើរអាចរំកិលពី២ទៅ៣សង្ទីម៉ែត្រក្នុង១ថ្ងៃ ឬ២០ម៉ែត្រក្នុង១ឆ្នាំ ចំណែកកម្ពស់របស់វាវិញ ២៥ម៉ែត្រ និងមានអង្កត់ផ្ចិត១២សង្ទីម៉ែត្រ ។
មគ្គុទេ្ទសក៍តំបន់ព្រៃក្នុងប្រទេសអាមេរិកឡាទីន ដូចជាប្រទេសអេក្វាទ័របានប្រាប់ដល់អ្នកទេសចរពីភាពអស្ចារ្យរបស់ពូជដើមឈើ The Socratea exorrhiza ។ ទស្សនៈធម្មតាបំផុតនៃរឿងដែលពួកគេនិយាយទៅកាន់អ្នកទេសចរនោះ គឺវាជាប្រភេទដើមឈើដែលដើរ យឺតៗទៅរកពន្លឺព្រះអាទិត្យដើម្បីដុះលូតលាស់ឫសថ្មី ហើយឫសចាស់របស់វានឹងងាប់ជាបន្តបន្ទាប់ ។ ឫសមិនធម្មតារបស់វាបំបែកចេញពីដើមដោយមានរាងដូចជើងមនុស្ស ហើយធ្វើឱ្យមានការភាន់ច្រឡំថាដើមឈើមានជើង ។
លោក Peter Vrsansky ជីវវិទូនៃបណ្ឌិត្យសភាស្លូវាគីនិយាយថា នៅពេលដីច្រោះ ដើម The Socratea exorrhiza នឹងលូតលាស់ឫសគល់ថ្មីអាចរុកទៅក្នុងដីបានជម្រៅ២០ម៉ែត្រឯណោះ ។ បន្ទាប់មកវាមានសកម្មភាព យឺតៗ ខណៈពេលដែលឫសតាំងទីនៅដីថ្មី ហើយដើមវាក៏ចាប់ផ្តើមពត់កោង បន្តិចម្តងៗ ។ ចំណែកឫស ចាស់ៗវិញជ្រុះចូលក្នុងខ្យល់ ។ ដំណើរការទាំងមូលសម្រាប់ដើមឈើនេះគឺជាការផ្លាស់ប្តូរទីតាំងថ្មីជាមួយនឹងពន្លឺព្រះអាទិត្យគ្រាប់គ្រាន់ និងដីថ្មីមានជីជាតិសម្រាប់រស់នៅឱ្យបានពីរទៅបីឆ្នាំ ។
ដើមឈើចេះដើរនេះក្លាយជាប្រធានបទក្តៅសម្រាប់អ្នកវិទ្យាសាស្ត្រ និងជីវវិទូផ្សេងទៀត ដោយពួកគេបានលើកអំណះអំណាងថា គ្មានដើមឈើណាអាចផ្លាស់ទីបានទេ ដរាបណាមនុស្សមិនដកវា ។ ទន្ទឹមគ្នានេះដែរយោងតាមអត្ថបទចេញផ្សាយដោយព្រឹត្តិបត្រ Live Science នៅឆ្នាំ២០១២ សរសេរថា «ដើមឈើដែលដើររកពន្លឺព្រះអាទិត្យជារឿងគួរឱ្យចាប់អារម្មណ៍ ជារឿងចម្លែក» ប៉ុន្តែវាមិនអាចផ្លាស់ទីបានទេ វានឹងនៅ១កន្លែងដែលវាចាប់ពន្លកដរាបណាទទួលសម្ពាធពីកម្លាំងខ្យល់ និងពូថៅតែប៉ុណ្ណោះ ។ ចំណែកលោក Gerardo Avalos ជីវវិទូ និងជានាយកមជ្ឈមណ្ឌលសិក្សាអភិវឌ្ឍន៍ប្រកបដោយនិរន្តរភាពក្នុងប្រទេសកូស្តារីកា បានអះអាងថា ដើមឈើចេះដើរគ្រាន់តែជាទេវកថាប៉ុណ្ណោះ ។ ទោះជាយ៉ាងណាក្តី ដើមឈើចេះដើរនៅតែបន្តទាក់ទាញអ្នកទេសចរទៅទស្សនាប្រទេសអេក្វាទ័ររៀងរាល់ឆ្នាំ ៕
ចែករំលែកព័តមាននេះ