ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយកម្លាំងអធិការដ្ឋាននគរបាលក្រុងសៀមរាបចុះបង្ក្រាបនៅវេលាម៉ោង១២និង០៥នាទីរសៀលថ្ងៃទី២៣ ខែមិថុនា ឆ្នាំ២០១៨ ពីបទល្មើសជួញដូរ និងចាត់ចែងឱ្យប្រើប្រាស់ដោយខុសច្បាប់នូវសារធាតុញៀននៅបន្ទប់ជួលក្នុងភូមិតាវៀន សង្កាត់សាលាកំរើក ក្រុង-ខេត្តសៀមរាប ឈានដល់ធ្វើការឃាត់ខ្លួនបានជនសង្ស័យប្រុសស្រីចំនួន៤នាក់ រួចនាំយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្តទៅតុលាការចាត់ការតាមផ្លូវច្បាប់ ។
តាមប្រភពពីកម្លាំងនគរបាលជំនាញបានប្រាប់ថា ជនសង្ស័យប្រុសស្រីទាំង៤នាក់មានទី១-ឈ្មោះ ខូយ ចំរ៉ុង ហៅឡុង ភេទប្រុស មុខរបរគ្មាន ទីលំនៅភូមិវត្តស្វាយ សង្កាត់សាលាកំរើក ក្រុង-ខេត្តសៀមរាប (ចាត់ចែងប្រើប្រាស់) (មានសារធាតុញៀនក្នុងខ្លួន) ទី២- ឈ្មោះ ស្មាន ម៉ាត់លី ជនជាតិខ្មែរឥស្លាម ភេទប្រុស មុខរបរគ្មាន ទីលំនៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប (ជួញដូរនិងប្រើប្រាស់)(មានសារធាតុញៀនក្នុងខ្លួន) ទី៣- ឈ្មោះ វឿន សារ៉ាម ហៅរស្មី ភេទស្រី មុខរបរគ្មាន ទីលំនៅភូមិវាលសង្កាត់គោកចក ក្រុង-ខេត្តសៀមរាប (ចាត់ចែង និងប្រើប្រាស់) (មានសារធាតុញៀនក្នុងខ្លួន) និងទី៤- ឈ្មោះ ឡោក វី ភេទប្រុស មុខរបរគ្មាន ទីលំនៅភូមិតាវៀន សង្កាត់សាលាកំរើក ក្រុង-ខេត្តសៀមរាប (រក្សាទុកនិងជួញដូរ)(មានសារធាតុញៀនក្នុងខ្លួន) ។
បន្ទាប់ពីកម្លាំងនគរបាលជំនាញឃាត់ខ្លួនបានក្នុងនោះដកហូតវត្ថុតាងមានជញ្ជីងថ្លឹងគ្រឿងញៀនចំនួន០១គ្រឿង ម្សៅមេតំហ្វេរតាមីនប្រភេទទឹកកកចំនួន០១កញ្ចប់ ស្មើនឹងទំងន់០,៧ក្រាម(ទំងន់សុទ្ធ) ឧបករណ៍ប្រើប្រាស់ និងសម្ភារវេចខ្ចប់ថ្នាំញៀនមួយចំនួនទូរស័ព្ទដៃចំនួន០៧គ្រឿង ។
ចែករំលែកព័តមាននេះ