អតីតមិត្តរួមក្រុមប្រាប់ពីមូលហេតុ Messi ពិបាករកគ្រាប់បាល់នៅ World Cup
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្លិប Barcelona ដែលពេលនេះ លេងឲ្យក្លិបតោខៀវ Chelsea បានប្រាប់ពីមូលហេតុដែលធ្វើឲ្យ…
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្លិប Barcelona ដែលពេលនេះ លេងឲ្យក្លិបតោខៀវ Chelsea បានប្រាប់ពីមូលហេតុដែលធ្វើឲ្យ…
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្លិប Barcelona ដែលពេលនេះ លេងឲ្យក្លិបតោខៀវ Chelsea បានប្រាប់ពីមូលហេតុដែលធ្វើឲ្យ Messi ពិបាករកគ្រាប់ជូនក្រុមជម្រើសជាតិ ជាងនៅ Barcelona។
កីឡាករ Cesc Fabregas បានស្គាល់គ្នាជាមួយនឹងម្ចាស់ពាន Ballon d’Or ចំនួន៥លើក តាំងពីនៅរៀនទាត់បាល់ជាមួយគ្នាក្មេងៗមកម្ល៉េះ។ Cesc ប្រាប់ថា មូលហេតុដែល Messi មិនអាចស៊ុតគ្រាប់បាល់បានច្រើនដូចនៅ Barcelona គឺមកពីគុណភាពកីឡាករជុំវិញ Messi មិនដូចពេលដែលគេលេងនៅក្លិប។ជើងខ្លាំងនៅ Chelsea បាននិយាយប្រាប់ BBC One ថា៖ «ខ្ញុំគិតថា សម្ពាធទៅលើ Messi គឺពិតជាខុសគ្នាពីពេលដែលគេលេងឲ្យក្លិប។ រូបគេក៏ដឹងដែរ ហើយមនុស្សច្រើនណាស់ ដែលរំពឹងថា Messi នឹងអាចស៊ុតគ្រាប់បាល់បានជូនក្រុមជម្រើសជាតិ។ គុណភាពលេងនៅ Barcelona គឺពិតជាខ្ពស់ណាស់ ដែលធ្វើឲ្យមហាជនគិតថា Messi អាចលេងបានល្អដូចក្នុងក្លិបដែរ»។Cesc បានបន្តថា៖ «ខ្ញុំសុំទោសផង សម្រាប់បាល់ទាត់ វាមិនមែនស្រួលៗដូចនេះទេ។ ចំពោះ Messi ដែលគេគ្រប់គ្នាគិតថាជើងខ្លាំងផ្តាច់គេ គឺកាន់តែពិបាក»។
គួរបញ្ជាក់ផងដែរថា អាហ្សង់ទីនបើកវគ្គដំបូងជួបជាមួយនឹងអ៊ីស្លង់ ហើយក្រោយមកក៏ទៅចាញ់ជាមួយនឹងក្រូអាស៊ីកាលពីយប់ថ្ងៃព្រហស្បត្តិ៍ ជាមួយនឹងលទ្ធផល 3-0៕
ចែករំលែកព័តមាននេះ