ខេត្តមណ្ឌលគិរី ៖ លោក ឈឹម កាន អភិបាលរងខេត្ត និងជាប្រធានសហភាពសហព័ន្ធយុវជនកម្ពុជាខេត្តមណ្ឌលគិរី អញ្ជើញជួបសំណេះសំណាលជាមួយលោកគ្រូ អ្នកគ្រូស្ម័គ្រចិត្ត បង្រៀនបំប៉នសិស្សានុសិស្ស…
ខេត្តមណ្ឌលគិរី ៖ លោក ឈឹម កាន អភិបាលរងខេត្ត និងជាប្រធានសហភាពសហព័ន្ធយុវជនកម្ពុជាខេត្តមណ្ឌលគិរី អញ្ជើញជួបសំណេះសំណាលជាមួយលោកគ្រូ អ្នកគ្រូស្ម័គ្រចិត្ត បង្រៀនបំប៉នសិស្សានុសិស្ស ត្រៀមប្រឡង មធ្យមសិក្សា ទុតិយភូមិចំនួន៥០នាក់ នៅវិទ្យាល័យហ៊ុនសែនកោះញែក ស្ថិតនៅស្រុកកោះញែក កាលពីថ្ងៃទី២៣ ខែមិថុនា ឆ្នាំ២០១៨ ។
លោក ឈឹម កាន បានថ្លែងអំណរគុណយ៉ាងជ្រាវជ្រៅដល់លោកគ្រូ អ្នកគ្រូ ដែលបានចំណាយពេលវេលាដ៏មានតម្លៃ ក្នុងការ ស្ម័គ្រចិត្ត បង្រៀនសិស្សត្រៀមប្រឡងបាក់ឌុបនាពេលខាងមុខ ។ លោកបានណែនាំ និងជម្រុញដល់សិស្សានុសិស្សទាំងអស់ ត្រូវខិតខំប្រឹងប្រែងរៀនសូត្រ និងស្រាវជ្រាវរកឯកសារផ្សេងៗ ដើម្បីធ្វើយ៉ាងណាឲ្យការប្រឡងទទួលបានជោគជ័យគ្រប់ៗគ្នា ។
ជាងនេះទៅទៀត លោកបានណែនាំដល់សិស្សានុសិស្សទាំងអស់ ត្រូវជៀសឲ្យឆ្ងាយពីគ្រឿងញៀន និងអំពើឧបាយមុខផ្សេងៗ និងសូមចូលរួមគោរពច្បាប់ចរាចរណ៍ផ្លូវគោកទាំងអស់គ្នាផងដែរ ៕
ចែករំលែកព័តមាននេះ