ខេត្តតាកែវ ៖ បើតាមសេចក្តីរាយការណ៍បបានឱ្យដឹងថា រថយន្តក្រុងមួយគ្រឿងបានរេចង្កូតបុកនឹងដើមស្វាយពេញទំហឹងក្រឡាប់ធ្វើឱ្យជនរងគ្រោះដេកដួលរបួស និងស្លាប់ពេញផ្លូវ ហេតុការណ៍នេះបានកើតឡើងកាលពីម៉ោង៣និង៤០នាទីរសៀល ថ្ងៃទី២២ មិថុនា ២០១៨ នៅលើផ្លូវជាតិលេខ៣…
ខេត្តតាកែវ ៖ បើតាមសេចក្តីរាយការណ៍បបានឱ្យដឹងថា រថយន្តក្រុងមួយគ្រឿងបានរេចង្កូតបុកនឹងដើមស្វាយពេញទំហឹងក្រឡាប់ធ្វើឱ្យជនរងគ្រោះដេកដួលរបួស និងស្លាប់ពេញផ្លូវ ហេតុការណ៍នេះបានកើតឡើងកាលពីម៉ោង៣និង៤០នាទីរសៀល ថ្ងៃទី២២ មិថុនា ២០១៨ នៅលើផ្លូវជាតិលេខ៣ ចន្លោះគីឡូម៉ែត្រលេខ៨៤-៨៥ ស្ថិតក្នុងភូមិកំសី ឃុំញ៉ែងញ៉ង ស្រុកត្រាំកក់។
តាមសមត្ថកិច្ចឱ្យដឹងថា ជនរងគ្រោះខាងលើ ១-ឈ្មោះ សុក រ៉ា ភេទប្រុស អាយុ៣៩ឆ្នាំ ទីលំនៅរាជធានីភ្នំពេញ ២-ឈ្មោះ កូលីណា ភេទស្រី អាយុប្រហែលជាង៣០ឆ្នាំ រស់នៅរាជធានីភ្នំពេញ ៣-ឈ្មោះ ឡូ រ៉ា ភេទប្រុស អាយុប្រហែល៣៥ឆ្នាំ ជនជាតិអូស្ត្រាលី ទាំង៣នាក់នេះបានស្លាប់ភ្លាមៗនៅនិងកន្លែងកើតហេតុ និងជនរងគ្រោះរបួសធ្ងន់៨នាក់ក្នុងនោះប្រុស៥នាក់ ស្រី៣នាក់ ព្រមទាំងអ្នករងរបួសស្រាល៤នាក់ទៀតក្នុងនោះប្រុសទាំងអស់ សរុបទាំងអស់ជនរងគ្រោះ១៥នាក់ ចំណែកឯអ្នកបើករថយន្តបង្កហេតុពណ៌ស ពាក់ស្លាកលេខភ្នំពេញ 3D 0628 រត់គេចខ្លួនបាត់ស្រមោលឈឹង។
សមត្ថកិច្ចបន្តទៀតថា មុនកើតហេតុរថយន្តក្រុងមួយគ្រឿងបានធ្វើដំណើរពីខេត្តកំពតឆ្ពោះទៅរាជធានីភ្នំពេញលើផ្លូវជាតិលេខ៣ លុះមកដល់ចំណុចកើតហេតុស្រាប់តែរថយន្តក្រុងរេចង្កូចមកចិញ្ចើមផ្លូវពីខាងត្បូងទៅបុកនឹងដើមដើមស្វាយយ៉ាងពេញទំហឹង បណ្តាលឲ្យក្រឡាប់ចាក់មនុស្សដេកដួលពេញផ្លូវគួរឱ្យរន្ធត់ ធ្វើឱ្យស្លាប់៣នាក់ភ្លាមៗនៅនឹងកន្លែងកើតហេតុ និងរងរបួសធ្ងន់-ស្រាល១២នាក់ ។
លោក ឌុក ឌីយ៉ា អធិការស្រុកត្រាំកក់បានឲ្យដឹងថា ក្រោយកើតហេតុជនរងគ្រោះទាំងអស់ ត្រូវបានដឹកតាមរថយន្តបញ្ជូនមកសង្គ្រោះបន្ទាន់នៅមន្ទីរពេទ្យបង្អែក ចំណែករថយន្តបង្កយកមករក្សាទុកនៅអធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមនីតិវិធីច្បាប់ រីឯសពជនរងគ្រញោះត្រូវបានប្រគល់ជូនគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ