ខំទៅគោះទ្វារតែអត់ឆ្លើយតប ដល់ពេលអើតមើលតាមបង្អួចស្រាប់តែភ្ញាក់ផ្អើលឆោឡោ
- សៀមរាប
ខេត្តសៀមរាប ៖ នៅវេលាម៉ោងប្រហែល១១និង៣០នាទី ថ្ងៃទី២២ ខែមិថុនា ឆ្នាំ២០១៨ សមត្ថកិច្ចបានទទួលព័ត៌មានពីប្រជាពលរដ្ឋថា នៅចំណុចផ្ទះសំណាក់ HAPPY ZONE…
ខេត្តសៀមរាប ៖ នៅវេលាម៉ោងប្រហែល១១និង៣០នាទី ថ្ងៃទី២២ ខែមិថុនា ឆ្នាំ២០១៨ សមត្ថកិច្ចបានទទួលព័ត៌មានពីប្រជាពលរដ្ឋថា នៅចំណុចផ្ទះសំណាក់ HAPPY ZONE…
ខេត្តសៀមរាប ៖ នៅវេលាម៉ោងប្រហែល១១និង៣០នាទី ថ្ងៃទី២២ ខែមិថុនា ឆ្នាំ២០១៨ សមត្ថកិច្ចបានទទួលព័ត៌មានពីប្រជាពលរដ្ឋថា នៅចំណុចផ្ទះសំណាក់ HAPPY ZONE INN បន្ទប់លេខ៧ ស្ថិតនៅភូមិ មណ្ឌល១ សង្កាត់ ស្វាយដង្គំ ក្រុង-ខេត្តសៀមរាប មានជនបរទេសម្នាក់បានស្លាប់ភ្លាមៗនោះកម្លាំងនគរបាលជំនាញបានចុះទៅដល់កន្លែងកើតហេតុភ្លាមៗផងដែរ ។
តាមប្រភពពីមន្ត្រីនគរបាលមូលដ្ឋានបានប្រាប់ឱ្យដឹងថា ជនរងគ្រោះមានឈ្មោះ SAVASER BORA ភេទប្រុស កើតឆ្នាំ១៩៦៤ ជនជាតិទួរគី កាន់លិខិតឆ្លងដែនលេខ U០៧៩៨៧៧៦០ មុខរបរម៉ៅការសំណង់ នៅក្នុងក្រុងសៀមរាប បានដេកស្លាប់នៅក្នុងបន្ទប់ទឹក ផ្ទះសំណាក់យីហោ ហែប ភី ស៊ូន អ៊ីន (HAPPY ZONE INN ) ។
បន្ទាប់ពីកម្លាំងជំនាញបានចុះស្រាវជ្រាវ និងសួរនាំជុំវិញករណីកើតហេតុរួមមកត្រូវបានម្ចាស់ផ្ទះសំណាក់បានបញ្ជាក់ប្រាប់សមត្ថកិច្ចជំនាញឱ្យដឹងថា នៅវេលាម៉ោងប្រហែល១១និង៣០នាទីថ្ងៃទី២២ ខែមិថុនា ឆ្នាំ២០១៨ ដោយមិនឃើញជនរងគ្រោះចេញពីបន្ទប់ខ្លួនក៏បានដើរទៅគោះទ្វារតែពុំមានសម្លេងឆ្លើយតបខ្លួនមានការសង្ស័យក៏បានដើរទៅអើតមើលតាមបង្អួចស្រាប់តែឃើញជនរងគ្រោះដេកស្លាប់នៅក្នុងបន្ទប់ទឹក ឃើញដូច្នេះខ្លួនក៏បានរាយការណ៍ជូនសមត្ថកិច្ច ។
ផ្អែកតាមការស្រាវជ្រាវរបស់សមត្ថកិច្ចជំនាញ និងការពិនិត្យរបស់លោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យអមតុលាការបានសន្និដ្ឋានថា ជនរងគ្រោះបានស្លាប់អំឡុងម៉ោងប្រហែល១១និង០០នាទីយប់ ថ្ងៃទី២១ ខែមិថុនា ឆ្នាំ២០១៨ ដោយជម្ងឺមហារីកសួត ។ បច្ចុប្បន្នសាកសពជនរងគ្រោះត្រូវបានកម្លាំងជំនាញកំពុងរៀបចំបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ-សូវៀត(ពេទ្យរុស្ស៊ី)រាជធានីភ្នំពេញតាមសំណូមពររបស់តំណាងស្ថានទូត ៕
ចែករំលែកព័តមាននេះ