រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលមួយ ក្រោយរថយន្តកាមរីសេ៊រីទំនើបមួយគ្រឿងបានក្រឡាប់ផ្ងារពោះកណ្តាលផ្លូវ ដែលម្នាក់ៗពិតជាហួសចិត្តជាទីបំផុត កើតឡើងកាលពីម៉ោងជាង៨ព្រឹកថ្ងៃទី២៣ មិថុនា នេះ ស្ថិតត្រង់ចំណុចក្បែរអង់តែងទួលគោក នៅតាមបណ្តោយផ្លូវម៉ៅសេទុង ស្ថិតក្នុងសង្កាត់បឹងកក់១ ខណ្ឌទួលគោក ។
សេចក្តីរាយការណ៍បន្តថា ទោះបីជាយ៉ាងណា អ្នកបើកបរខាងលើ មិនត្រូវស្គាល់អត្តសញ្ញាណនោះទេ បើករថយន្តម៉ាកកាមរីហាយប្រ៊ីត ពណ៌.ស ពាក់ស្លាកលេខភ្នំពេញ 2O-6699 ដោយសំណាងល្អ ពុំមានរងរបួសឡើយ ។
ទាក់ទិនករណីនេះត្រូវបានឱ្យដឹងទៀតថា រថយន្តបានធ្វើដំណើរយ៉ាងលឿន ពីរវង់មូលកាំកូ ក្នុងទិសដៅពីជើង ទៅត្បូង។ លុះបើកមកដល់ចំណុចកើតហេតុ រថយន្តបានបែកកង់រេចង្កូតទៅបុកក្បាលរបាំងថ្ម ខណ្ឌចែកទ្រូងផ្លូវ បណ្តាលឱ្យក្រឡាប់ផ្ងារជើងតែម្តង ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ