ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កាលពីយប់ថ្ងៃទី២២ មិថុនា សមត្ថកិច្ចបានធ្វើការឃាត់ខ្លួនជនសង្ស័យជាជនជាតិចិនម្នាក់ ខណៈកំពុងផឹកនៅក្លឹបCASAស្ថិតក្នុងភូមិ៤ សង្កាត់៤ ខេត្តព្រះសីហនុ ក្រោយយោងតាមពាក្យបណ្តឹងរបស់ជនរងគ្រោះពាក់ព័ន្ធពីបទប្លន់ប្រដាប់អាវុធ…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កាលពីយប់ថ្ងៃទី២២ មិថុនា សមត្ថកិច្ចបានធ្វើការឃាត់ខ្លួនជនសង្ស័យជាជនជាតិចិនម្នាក់ ខណៈកំពុងផឹកនៅក្លឹបCASAស្ថិតក្នុងភូមិ៤ សង្កាត់៤ ខេត្តព្រះសីហនុ ក្រោយយោងតាមពាក្យបណ្តឹងរបស់ជនរងគ្រោះពាក់ព័ន្ធពីបទប្លន់ប្រដាប់អាវុធ ក្នុងនោះជនសង្ស័យ៣នាក់ទៀត កំពុងគេចខ្លួន ។ សេចក្តីរាយការណ៍បន្តថា ជនរងគ្រោះត្រូវបានស្គាល់ឈ្មោះគង់ ទីប៉ោ ភេទប្រុស អាយុ៣១ឆ្នាំ ជាអ្នករត់រថយន្តឈ្នួល មានទីលំនៅសង្កាត់ដង្កោ រាជធានីភ្នំពេញ ។ ដោយឡែក ជនសង្ស័យដែលឃាត់ខ្លួនឈ្មោះ Ly Ker Xing ភេទប្រុស អាយុ២៤ឆ្នាំ ជនជាតិចិន ជាបើកបររថយន្ត កាន់លិខិតឆ្លងដែនលេខ E88340722 ខណៈ៣នាក់ទៀតជនជាតិដូចគ្នា កំពុងគេចខ្លួន ។
ប្រភពបន្តថា ក្រោយពីទទួលបានពាក្យបណ្តឹងជនរងគ្រោះរួច ក្រោមការបញ្ជាចង្អុលដឹកនាំពីលោកឧត្តមសេនីយជួន ណារិន្ទ ស្នងការនគរបាលខេត្ត និងការសំរបសំរួលលោក គៀង សុន្ធារោ ព្រះរាជ្ញារងអមសាលាដំបូង កម្លាំងជំនាញផែនគរបាលព្រហ្មទណ្ឌ សហការជាមួយកម្លាំងអធិការដ្ឋានក្រុងប៉ុស្តិ៍ និងកងអន្តរាគមន៍ពិសេស ក៏ធ្វើការស្រាវជ្រាវរហូតដល់ម៉ោង១១យប់ថ្ងៃដដែលនេះ ទើបកម្លាំងកំណត់បានមុខសញ្ញាបានម្នាក់ (ជនសង្ស័យដែលឃាត់ខ្លួន) ខណៈកំពុងផឹកស៊ីនៅក្លិបកម្សាន្ត CASA ស្ថិតក្នុងភូមិ៤ សង្កាត់៤ ខេត្តព្រះសីហនុ ដោយបានចុះឃាត់ខ្លួនតែម្តង រួមទាំងដកហូតបានលុយដុល្លារ៥០០ដុល្លារ (របស់ជនរងគ្រោះ), អាវុធខ្លីម៉ាករ៉ូឡូលេខ38.SWPL (គ្រាប់៣គ្រាប់) ផលិតនៅ USA (អាវុធធ្វើសកម្មភាព) និងរថយន្តម៉ាក Rolls Royce ពណ៌ស្លែ ពាក្យស្លាកលេខភ្នំពេញ ២BP-៦៦៦៦ (មធ្យោបាយធ្វើសកម្មភាព) ។ 
យោងតាមពាក្យបណ្តឹងរបស់ជនរងគ្រោះថា បានបាត់បងស់ម្ភារមានលុយចំនួន៥០០ដុល្លារ, ប័ណ្ណបើកបរ១សន្លឹក, ប័ណ្ណសម្គាល់រថយន្ត១សន្លឹក និងអត្តសញ្ញាណប័ណ្ណសញ្ជាតិខ្មែរ១សន្លឹក ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ