ខេត្តបន្ទាយមានជ័យ ៖ មន្ត្រីជំនាញចុះពិនិត្យទំនិញតាមបន្ទាត់ព្រំដែនថា ទំនិញហួសការបរិច្ឆេទដែលមានហានិភ័យគ្រោះថ្នាក់ដល់អ្នកបរិភោគដែលចុះពិនិត្យនៅថ្ងៃទី២១ ខែមិថុនា ឆ្នាំ២០១៨ នៅស្រុកម៉ាឡៃ ។
គួររំលឹកថានៅពេលចុះពិនិត្យ និងផ្សព្វផ្សាយណែនាំដល់អាជីវករដែលលក់ដូរតាមតូប ស្តង់ ផ្សារម៉ាឡៃ មន្ត្រីសាខាកាំកុងត្រូលខេត្តបន្ទាយមានជ័យរួមជាមួយមន្ត្រីមន្ទីពាណិជ្ជកម្មខេត្តដែលដឹកនាំដោយលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានរួមមន្ត្រីជំនាញបានចុះចែកខិតប័ណ្ណស្តីពីការណែនាំស្តីពីសុវត្ថិភាពម្ហូបអាហារ និងកិច្ចការការពារអ្នកប្រើប្រាស់ដើម្បីអោយអាជីវករមានការយល់ដឹងបង្កាលក់ទំនិញដែលខូចគុណភាពហួសការបរិច្ឆេទប្រើប្រាស់ និងកំប៉ុងមានច្រែះខូចដែលជាហានិភ័យខ្លាំងចំពោះសុខភាពត្រូវចូលរួមទាំងអស់គ្នាការពារសុខភាពប្រជាពលរដ្ឋ ។
ខណៈពេលដែលមន្ត្រីជំនាញចុះពិនិត្យរកទំនិញខូចគុណភាពបានដកហូតទំនិញទំនិញខូចគុណភាពមានហួសការបរិច្ឆេទ និងកំប៉ុងមានច្រែះបានទឹកដោះគោស្រស់១៩កំប៉ុង ទឹកដោះគោជូរ១៦កំប៉ុង ត្រីខកំប៉ុងអត់យីហោ៧កំប៉ុង ទឹកដោះគោឆៅកំប៉ុង១កំប៉ុង ទឹកផ្លែឈឺមាន១កំប៉ុង ចាហួយកំប៉ុង១កំប៉ុង ទឹកខ្មេះរូបទន្សាយ៣៦ដប ស្រាបៀ៦កំប៉ុង ទឹកក្រូច២៨កំប៉ុង ទឹកគូលែន៤កំប៉ុង ទឹកសេរ៉ូ៤ដប ប្រេងឆា១ដបធំ កម្ទេចមី១កញ្ចប់ធំ រាល់ទំនិញដកហូតមន្ត្រីជំនាញយកទៅដុតកំទេចចោល ៕
ចែករំលែកព័តមាននេះ