ខេត្តកណ្ដាល ៖ លោកតាម្នាក់បានចង.កធ្វើអត្តឃាតនៅក្នុងផ្ទះ តែមុនលោកតាចង.ក បានសរសេរបណ្តាំទុកមួយច្បាប់ ដើម្បីឱ្យកូនចៅមើលកុំឱ្យមានការស្រពេចស្រពិលក្នុងភាពបញ្ចប់ជីវិតរបស់លោកតានេះ ។ ប្រភពឱ្យដឹងថា លោកតាមានឈ្មោះ សៀក សារុំ អាយុ៦១ឆ្នាំ ស្នាក់នៅភូមិដើមមៀន ឃុំសង្កាត់ដើមមៀន ក្រុងតាខ្មៅ ខេត្តកណ្តាល ។ បើតាមប្រភពពីក្រុមគ្រួសារលោកតាបានឱ្យសមត្ថកិច្ចដឹងថា កាលវេលាព្រឹកថ្ងៃទី២២ មិថុនា មានការភ្ញាក់ផ្អើលពេញផ្ទះ ដោយមានគេប្រទះឃើញលោកតាចង.កសម្លាប់ខ្លួន ។
លោកតា សុខ ឡុង អាយុ៦០ឆ្នាំ ដែលត្រូវជាប្អូនថ្លៃ រស់នៅជាមួយគ្នាបានឱ្យដឹងដែរថា កាលពីថ្ងៃទី២០ មិថុនា វេលាម៉ោង៨ និង៣០នាទីយប់ គាត់និងកូនប្រុសម្នាក់ឈ្មោះ សុខ ចន្ទ័ដារិទ្ធ បានឮសំឡេងលាន់ផ្ទុះក្តាំង ហេីយគាត់និងកូនបានចេញបេីកទ្វាររបងផ្ទះចេញទៅមើល តែមិនឃេីញមានអ្វីប្លែកសោះ ក៏នាំគ្នាចូលផ្ទះដេកវិញទៅ ។ លុះព្រឹកឡេីងថ្ងៃទី២១ មិថុនា វេលាម៉ោង៦ព្រឹក លោកតាសុខ ឡុង និង ក្រុមគ្រួសារបានចេញពីផ្ទះទៅប្រកបមុខរបររៀងៗខ្លួន រហូតដល់ម៉ោង៦ល្ងាច ពួកគាត់ក៏ត្រឡប់មកផ្ទះវិញ និងបានដើរចូលទៅផ្ទះបាយ តែមិនបានឃេីញលោកតាដែលស្លាប់ចុះមកហូបបាយ ដែលជាទម្លាប់គេបានគ្របទុកឱ្យរាល់ថ្ងៃនៅពេលព្រឹក ។
ឃើញដូច្នោះ ក្រុមគ្រួសារបាននាំគ្នាមានការសង្ស័យ ទើបគាត់ និងកូនប្រុសឡើងទៅបេីកទ្វារបន្ទប់លើផ្ទះ ស្រាប់តែឃេីញគាត់ដេកផ្កាប់មុខ ចង្ការកល់ទៅនឹងកៅអីឈើ ពេលនោះបានលូកដៃទៅស្ទាបជើងគាត់ មានសភាពរឹង ទើបដឹងថា គាត់បានស្លាប់បាត់ទៅហើយ ។ ក្រោយពេលដឹងថា តាសៀក សារុំ ស្លាប់ ក៏បានស្រែកហៅបងស្រីបង្កើតជួយ និងជូនដំណឹងទៅប្រធានភូមិ ដើម្បីរាយការណ៍ជូនសមត្តកិច្ចចុះធ្វើការពិនិត្យ ។ សមត្តកិច្ចក៏បានចុះទៅពិនិត្យសាកសព និង បានសន្និដ្ឋានថាជនរងគ្រោះពិតជាបានស្លាប់ ដោយសារចង.កសម្លាប់ខ្លួនពិតប្រាកដមែន ដោយយោងទៅលើវត្ថុតាងដូចមានខ្សែអង្រឹងរុំ.ក២ជុំ ចងទៅនិងបង្អួចទ្វារផ្ទះ និងបានរកឃើញលិខិតមួយ នៅក្បែរខ្លួនសព ដែលនោះជាបណ្ដាំទុក មុនពេលធ្វើអត្តឃាតកម្មនេះ ។
ចែករំលែកព័តមាននេះ