រាជធានីភ្នំពេញ ៖ តំណាងអយ្យការអមសាលាដំបូងរាជធានីភ្នំពេញបានចេញដីការកោះហៅលោក សម រង្ស៊ី អតីប្រធានគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេសឲ្យចូលបំភ្លឺពាក់ព័ន្ធនឹងសំណុំរឿងប្រមាថព្រះមហាក្សត្រ ។ ការចេញដីការនេះបន្ទាប់ពីលោក សម…
រាជធានីភ្នំពេញ ៖ តំណាងអយ្យការអមសាលាដំបូងរាជធានីភ្នំពេញបានចេញដីការកោះហៅលោក សម រង្ស៊ី អតីប្រធានគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេសឲ្យចូលបំភ្លឺពាក់ព័ន្ធនឹងសំណុំរឿងប្រមាថព្រះមហាក្សត្រ ។
ការចេញដីការនេះបន្ទាប់ពីលោក សម រង្ស៊ី បានអះអាងថា ព្រះរាជាសាររបស់ព្រះមហាក្សក្រព្រះបាទ នរោត្តម សីហមុនី បានចេញព្រះរាជឱង្ការដល់ពលរដ្ឋឲ្យទៅ បោះឆ្នោតបានគ្រប់គ្នាដោយកុំព្រួយបារម្មណ៍ព្រោះការបោះឆ្នោតជាការសម្ងាត់ ត្រឹមត្រូវ យុត្តិធម៌ ។
យោងតាមដីការរបស់លោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញចុះថ្ងៃទី១៩ ខែមិថុនា ឆ្នាំ២០១៨ បានកោះហៅលោក សម រង្ស៊ី ដែលជាជនសង្ស័យដែលរស់នៅផ្ទះលេខ៦៧៦ ផ្លូវជាតិលេខ២ ភូមិព្រែកគង់២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ឲ្យចូលបំភ្លឺនៅថ្ងៃទី១២ ខែកក្កដា ឆ្នាំ២០១៨ វេលាម៉ោង៩ព្រឹក ដើម្បីសាកសួរ ។
បើតាមដីការបញ្ជាក់ថា ការកោះហៅលោក សម រង្ស៊ី នេះក្នុងដំណើរឿងពាក់ព័ន្ធនឹងការប្រមាថព្រះក្សត្រ នៃព្រះរាជាណាចក្រកម្ពុជា ។ ដោយលោក សម រង្ស៊ី បានសរសេលើបណ្តាញសង្គមហ្វេសប៊ុកផ្ទាល់ថា ព្រះរាជសាររបស់ព្រះមហាក្សត្រជាព្រះរាជសារក្លែងក្លាយ ។ តំណាងអយ្យក៏បានឲ្យលោក សម រង្ស៊ី ត្រូវចូលឲ្យទាន់ពេលវេលា និងយកលិខិតផ្សេងៗដែលទាក់ទងនឹងរឿងខាងលើមកជាមួយផងដែរ ៕
ចែករំលែកព័តមាននេះ