ខេត្តកំពង់ចាម ៖ កាលពីព្រឹកថ្ងៃទី១៩ ខែមិថុនា ឆ្នាំ២០១៨ ក្រោមបទបញ្ជារបស់លោក គួច ចំរើន អភិបាលនៃគណៈអភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀន ខេត្តកំពង់ចាម និងលោកឧត្តមសេនីយ៍ទោ ឯម កុសល ស្នងការនគរបាលខេត្ត លោកឧត្តមសេនីយ៍ត្រី អ៊ិត ដារ៉ា ស្នងការរងទទួលផែនប្រឆាំងបទល្មើសខេត្តបានដឹកនាំកម្លាំងជំនាញការិយាល័យប្រឆាំងគ្រឿងញៀន ការិយាល័យចរាចរណ៍ផ្លូវគោក និងជំនាញអធិការដ្ឋាននគរបាលស្រុកកំពង់សៀម ចុះត្រួតពិនិត្យឆែកឆេរ ដើម្បីធ្វើតេស្តស្វែងរកសារធាតុញៀនលើអ្នកបើកបររថយន្តដឹកទំនិញ ព្រូរថយន្ត និកម្មករ នៅចំណុចភូមិត្រកួន ឃុំក្រឡា ស្រុកកំពង់សៀម ខេត្តកំពង់ចាម ។
ក្នុងនោះបានហៅអ្នកបើកបររថយន្តត្រួតពិនិត្យចំនួន៧៦គ្រឿង ធ្វើតេស្តស្វែងរកសារធាតុញៀនសរុប១៦៧នាក់ មានអ្នកបើកបរចំនួន៧៦នាក់ ព្រូ៥៦នាក់ និងកម្មករ៣៥នាក់ ។ ជាលទ្ធផលធ្វើតេស្តវិជ្ជមានចំនួន២០នាក់មានអ្នកបើកបរ៩នាក់ ព្រូ៤នាក់ និង កម្មករ៧នាក់ ។ បានឃាត់រយន្តសរុប១៣គ្រឿងមានឯកសារត្រឹមត្រូវបានប្រគល់ជូនម្ចាស់វិញចំនួន៩គ្រឿង និងឃាត់រថយន្តរក្សាទុក បណ្តោះអាសន្ន៤គ្រឿង ។
បានឃាត់មុខសញ្ញាប្រើប្រាស់សារធាតុញៀនជាអ្នកបើកបរ ព្រូរថយន្ត និងកម្មករ២០នាក់ ហើយអ្នកទាំង២០នាក់ដែលពាក់ព័ន្ធប្រើប្រាស់គ្រឿងញៀននេះត្រូវបានឃាត់ខ្លួនដើម្បីបន្តនីតិវិធី ៕
ចែករំលែកព័តមាននេះ