សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ បានអះអាងនាថ្ងៃទី២១មិថុនាថា កូរ៉េខាងជើងបានកម្ទេចចោលរួចហើយទីតាំងសាកល្បងមីស៊ីលបាលីស្ទិកធំៗ របស់ខ្លួនចំនួន៤កន្លែង ក្នុងទិសដៅឆ្ពោះទៅរំសាយនុយក្លេអ៊ែរទាំងស្រុង។ លោកត្រាំបានលើកពីរឿងនេះឡើងនាឱកាសនៃកិច្ចប្រជុំមួយរបស់រដ្ឋាភិបាលលោក ក្រោយការជួបគ្នាកំពូលជាប្រវត្តិសាស្ត្ររបស់លោក…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ បានអះអាងនាថ្ងៃទី២១មិថុនាថា កូរ៉េខាងជើងបានកម្ទេចចោលរួចហើយទីតាំងសាកល្បងមីស៊ីលបាលីស្ទិកធំៗ របស់ខ្លួនចំនួន៤កន្លែង ក្នុងទិសដៅឆ្ពោះទៅរំសាយនុយក្លេអ៊ែរទាំងស្រុង។
លោកត្រាំបានលើកពីរឿងនេះឡើងនាឱកាសនៃកិច្ចប្រជុំមួយរបស់រដ្ឋាភិបាលលោក ក្រោយការជួបគ្នាកំពូលជាប្រវត្តិសាស្ត្ររបស់លោក ជាមួយមេដឹកនាំកូរ៉េខាងជើងលោកគីម ជុងអ៊ុន កាលពីសប្ដាហ៍មុននៅសិង្ហបុរី។ ក្នុងកិច្ចប្រជុំកំពូលនេះ លោកគីម ជុងអ៊ុនបានសន្យារំសាយនុយក្លេអ៊ែរទាំងស្រុងនៅឧបទ្វីបកូរ៉េ ហើយលោកត្រាំផ្ដល់ការសន្យាធានាសន្តិសុខដល់របបកូរ៉េខាងជើង។ ហើយកូរ៉េខាងជើងឈប់បាញ់មីស៊ីល ក្នុងនោះរួមមានមីស៊ីលបាលីស្ទិក និងកម្ទេចចោលបណ្ដាទីតាំងសាកល្បងនុយក្លេអ៊ែរ។
លោកត្រាំ ក៏បានអះអាងថា កូរ៉េខាងជើងបានបំផ្ទុះចោលរួចហើយទីតាំងសាកល្បងនុយក្លរអ៊ែរធំជាងគេបំផុតមួយ ក្នុងចំណោមទីតាំងសាកល្បងធំៗទាំងអស់។ តាមពិតទៅទីតាំងសាកល្បងបាលីស្ទិកធំ៤ បានបំផ្លាញចោលរួចហើយ ប៉ុន្តែអ្វីដែលសំខាន់នោះគឺថា ការរំសាយនុយក្លេអ៊ែរទាំងស្រុងចាប់ផ្ដើមរួចហើយ។ កូរ៉េខាងជើងកាលពីខែឧសភាបានកម្ទេចចោល ទីតាំងសាកល្បងនុយក្លេអ៊ែរសំខាន់របស់ខ្លួន PUNGGYE-RI ដែលមានរូងក្រោមដី៤។
លោកត្រាំក៏សរសើរផងដែរ ដល់រដ្ឋមន្ត្រីការបរទេសអាមេរិកលោក MIKE POMPEO ដែលបានបំពេញការងារដ៏ល្អបំផុតលើបញ្ហាកូរ៉េខាងជើង។ លោក POMPEO ក៏គ្រោងមកកាន់ក្រុងព្យុងយ៉ាងនាប៉ុន្មានថ្ងៃខាងមុខនេះ ដើម្បីបន្តការចរចា៕
ចែករំលែកព័តមាននេះ