ខេត្តកំពង់ធំ ៖ បុរសម្នាក់ស្រលាញ់កូនប្រសាប្រុសភេទដូចគ្នា ដល់ប្រពន្ធរករឿងប្តឹងសុំលែងលះ ខឹងចង.កសម្លាប់ខ្លួនឯងបានបង្កឲ្យមានការភ្ញាក់ផ្អើល កាលពីរសៀលថ្ងៃទី២១ ខែមិថុនា ឆ្នាំ២០១៨ ស្ថិតនៅក្នុងភូមិសំព័រ ឃុំចំណាក្រោម…
ខេត្តកំពង់ធំ ៖ បុរសម្នាក់ស្រលាញ់កូនប្រសាប្រុសភេទដូចគ្នា ដល់ប្រពន្ធរករឿងប្តឹងសុំលែងលះ ខឹងចង.កសម្លាប់ខ្លួនឯងបានបង្កឲ្យមានការភ្ញាក់ផ្អើល កាលពីរសៀលថ្ងៃទី២១ ខែមិថុនា ឆ្នាំ២០១៨ ស្ថិតនៅក្នុងភូមិសំព័រ ឃុំចំណាក្រោម ស្រុកស្ទោង ខេត្តកំពង់ធំ ។
លោកវរសេនីយ៍ត្រី វ៉ន សុភ័ណ អធិការរងនគរបាលស្រុកស្ទោងទទួលខាងព្រហ្មទណ្ឌបានឲ្យកោះសន្តិភាពដឹងនៅព្រឹកថ្ងៃទី២២ ខែមិថុនា ឆ្នាំ២០១៨ នេះថា សពជនរងគ្រោះមានឈ្មោះ ហៃ ណេន ភេទប្រុស អាយុ៤៩ឆ្នាំ មុខរបរកសិករ រស់នៅភូមិកើតហេតុខាងលើ ។
បើយោងតាមការបំភ្លឺពីប្រពន្ធឈ្មោះ ជាំ ធា បានឲ្យដឹងថា មុនកើតហេតុ៣ថ្ងៃកូនប្រសារប្រុសរបស់គាត់ឈ្មោះ យឹម លាង អាយុ២១ឆ្នាំ ចំណែកកូនស្រីគាត់ឈ្មោះ ស្រី នាង អាយុ១៨ឆ្នាំ ក្រោយពីរៀបការរួចបានមួយរយៈកូនប្រសារប្រុសបានមកដេកលេងនៅផ្ទះគាត់ ហើយប្តីគាត់ក៏បានមកដេកជាមួយកូនប្រសារជារៀងរាល់យប់ នៅពេលដេកយប់ម្តងៗប្តីរបស់គាត់តែងតែលេងប្រដាប់ភេទកូនប្រសារ ដែលជាហេតុធ្វើឲ្យកូនប្រសារគាត់ខឹងងើបរត់ចេញ ហើយដឹងដល់គាត់ជាប្រពន្ធពីព្រោះ(តែប្តីគាត់ជាមនុស្សចូលចិត្តស្រលាញ់មនុស្សប្រុសដូចគ្នា) ហើយក៏បណ្តាលឲ្យពួកគាត់ជាឪពុកម្តាយឈ្លោះប្រកែកគ្នា រហូតមកដល់ព្រឹកថ្ងៃទី២១ ខែមិថុនា ឆ្នាំ២០១៨ គាត់ក៏បានទាស់សំដីគ្នាជាមួយនឹងប្តីម្តងទៀត ហើយប្តីគាត់ក៏បានរករឿងដេញវាយដេញកាប់គាត់ ហើយក៏បានទៅប្តឹងមេភូមិឲ្យហៅប្តីរបស់គាត់ទៅធ្វើការអប់រំ និងសុំលែងលះគ្នា ដោយសារតែខឹងនឹងប្តីស្រលាញ់ភេទដូចគ្នា មេភូមិក៏បានហៅប្តីគាត់ទៅផ្ទះមេភូមិ ដើម្បីអប់រំ តែមិនត្រូវរ៉ូវគ្នា ប្តីគាត់ក៏ត្រឡប់មកផ្ទះមុន ឯរូបគាត់ជាប្រពន្ធនៅផ្ទះមេភូមិនិយាយគ្នាមិនទាន់ចប់នៅឡើយ ។
លុះដល់ពេលរសៀលបន្តិចក៏មានប្អូនថ្លៃបានមកប្រាប់គាត់ថា ឃើញប្តីបងឈ្មោះ ហៃ ណេន បានចង.កសម្លាប់ខ្លួនទៅនឹងដើមអាកាស្យាមុខផ្ទះស្លាប់បាត់ទៅហើយ ក្រោយពីទទួលបានព័ត៌មានកម្លាំងជំនាញប៉ុស្តិ៍ និងរដ្ឋអំណាចភូមិបានចុះដល់កន្លែងកើតហេតុ ធ្វើការពិនិត្យសព ពិតជាស្លាប់ដោយចង.កធ្វើអត្តឃាតខ្លួនឯងពិតប្រាកដមែន ។ មួលហេតុ ខឹងប្រពន្ធប្តឹងមេភូមិ រឿងខ្លួនឯងរករឿងវាយតប់ប្រពន្ធ និងប្រពន្ធសុំលែងក៏បានប្រគល់សពឱ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ