ខេត្តស្វាយរៀង ៖ ក្រោយពីមានអំពើឃាតកម្មលើបុរសជនជាតិម៉ាឡេស៊ីម្នាក់ សមត្ថកិច្ចបានធ្វើការស្រាជ្រាវតាមកាមេរ៉ាសុវត្ថិភាពកំណត់បានមុខសញ្ញា និងតាមប្រមាញ់ចាប់ខ្លួនបាន យុវជនម្នាក់ដែលជាឃាតករវាយសម្លាប់ជនរងគ្រោះ នៅក្នុងបន្ទប់ទឹកផ្សាររាត្រីក្រុងបាវិត កាលពីថ្ងៃទី១៩ ខែមិថុនា ។…
ខេត្តស្វាយរៀង ៖ ក្រោយពីមានអំពើឃាតកម្មលើបុរសជនជាតិម៉ាឡេស៊ីម្នាក់ សមត្ថកិច្ចបានធ្វើការស្រាជ្រាវតាមកាមេរ៉ាសុវត្ថិភាពកំណត់បានមុខសញ្ញា និងតាមប្រមាញ់ចាប់ខ្លួនបាន យុវជនម្នាក់ដែលជាឃាតករវាយសម្លាប់ជនរងគ្រោះ នៅក្នុងបន្ទប់ទឹកផ្សាររាត្រីក្រុងបាវិត កាលពីថ្ងៃទី១៩ ខែមិថុនា ។ ជនសង្ស័យបានសារភាពប្រាប់សមត្ថកិច្ចថា ការសម្លាប់ព្រោះគំនុំ គឺខឹងបុរសម៉ាឡេស៊ីនេះដែលកន្លងមកធ្លាប់យកជើងដាក់លើក្បាលរបស់ខ្លួន ។ សូមបញ្ជាក់ថា ជនសង្ស័យនិងជនរងគ្រោះ ដេកលើបង់ក្នុងបន្ទប់ទឹកនៅក្នុងផ្សាររាត្រីទាំង២នាក់ ។ តាមការសារភាពថា នៅថ្ងៃកើតហេតុរូបគេស្ពឹកជើងក៏លោតទន្ទ្រាំ ធ្វើឲ្យរំខានដល់បុរសម៉ាឡេស៊ីដែលកំពុងដេកបណ្តាលឲ្យភ្ញាក់ ហើយក៏ស្ទុះមករកខ្លួនដោយក្នុងដៃមិនដឹងថា កាន់ប៊ិកឬកាំបិតនោះទេ ទើបខ្លួនរត់ចេញក្រៅ ទាញយកបានឈើជ្រុងមួយវាយទៅលើបុរសម៉ាឡេស៊ីនោះ៣ឈើជ្រុង បណ្តាលឲ្យដួលដេកស្លាប់ក្នុងថ្លុងឈាមតែម្តង ។
បើតាមសមត្ថកិច្ចឲ្យដឹងថា ជនជាឃាតករនេះឈ្មោះ សៀម ឆៃដែន ហៅ ព្រំ ឆៃដែនភេទប្រុស អាយុ១៨ឆ្នាំ មានទីលំនៅក្នុងភូមិព្រៃក្រាំ ឃុំព្រៃពោន ស្រុកកំពង់ត្របែកខេត្តព្រៃវែង។ជនសង្ស័យសារភាពថា ក្រោយពីសម្លាប់បុរសម៉ាឡេស៊ីរួច ខ្លួនបានដើរសំដៅទៅម្តុំវត្តតាឡុក និងបន្តគេចខ្លួនទៅស្នាក់នៅបន្ទប់លេខ
២១៨ អគារស្នាក់នៅរបស់បុគ្គលិកក្នុងកាស៊ីណូហ្គូដឡាក់ ជាបន្ទប់របស់មិត្តភក្តិ គឺសុំមិត្តភក្តិស្នាក់នៅរង់ចាំរកការងារធ្វើ ។ មន្ត្រីអាវុធហត្ថបានឲ្យដឹងទៀតថា ក្រោយពីទទួលបទបញ្ជាយ៉ាងម៉ឺងម៉ាត់ពីលោកឧត្តមសេ
នីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តលោកវរសេនីយ៍ឯក ស្រី វុត្ថា មេបញ្ជាការរងទទួល
ផែនយុត្តិធម៌ បានដឹកនាំកម្លាំងជំនាញ ចុះធ្វើការស្រាវជ្រាវឆែកតាមកាមេរ៉ាសុវត្ថិភាពក៏ឃើញសកម្មភាពនិងជនសង្ស័យ រហូតកំណត់មុខសញ្ញា និងឈានដល់ការរកឃើញបន្ទប់ស្នាក់នៅរបស់ជនជាឃាតករខាងលើ ឆែករកឃើញសំបុត្រកំណើត សៀវភៅគ្រួសារ ។ 
ជាលទ្ធផល កម្លាំងជំនាញបានកំណត់មុខសញ្ញា និងឃាត់ខ្លួនតែម្ដង ។ សូមរំឭកថា កាលវេលាម៉ោង២និង៣២នាទីរំលងអធ្រាត្រឈានចូលថ្ងៃទី១៨ ខែមិថុនា នៅចំណុចបន្ទប់ទឹកផ្សាររាត្រី ជាប់ភោជនីយដ្ឋានស៊ីឡាយ ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ពលរដ្ឋបានប្រទះឃើញបុរសជនជាតិម៉ាឡេស៊ីម្នាក់ស្លាប់ក្នុងថ្លុកឈាម ។ ជនរងគ្រោះឈ្មោះ ខាសេន សិុនគាសេង អាយុ៦៣ឆ្នាំ មុខរបរមិនពិតប្រាកដ កាន់លិខិតឆ្លងដែនលេខK-៣៦៥៧៩៦៦៩ មានស្រុកកំណើតនៅក្រុងសារ៉ាវ៉ក ប្រទេសម៉ាឡេស៊ី ៕
ចែករំលែកព័តមាននេះ