រាជធានីភ្នំពេញ ៖ ឌីជេ អាលីយ៉ា ពិតជាគ្មានអ្នកណានឹកស្មានដល់ទាល់តែសោះថា តារាស្រីម្នាក់ដែលធ្លាប់តែបង្ហាញរាងកាយល្វតល្វន់កាច់រាងបញ្ចេញសាច់ដ៏សិចសុី បែរជាធ្លាក់ខ្លួនសម្រាកនៅមន្ទីរពេទ្យតែម្នាក់ឯងយ៉ាងឯកោ ។ តាមប្រភពព័ត៌មានឱ្យដឹងថា នាងសម្រាកពេទ្យច្រើនថ្ងៃមកហើយ…
រាជធានីភ្នំពេញ ៖ ឌីជេ អាលីយ៉ា ពិតជាគ្មានអ្នកណានឹកស្មានដល់ទាល់តែសោះថា តារាស្រីម្នាក់ដែលធ្លាប់តែបង្ហាញរាងកាយល្វតល្វន់កាច់រាងបញ្ចេញសាច់ដ៏សិចសុី បែរជាធ្លាក់ខ្លួនសម្រាកនៅមន្ទីរពេទ្យតែម្នាក់ឯងយ៉ាងឯកោ ។ តាមប្រភពព័ត៌មានឱ្យដឹងថា នាងសម្រាកពេទ្យច្រើនថ្ងៃមកហើយ និងគ្មានលុយកាក់សម្រាប់ចំណាយក្នុង១ថ្ងៃៗឡើយ សូម្បីបាយសម្ល១ចានត្រឹម៣ពាន់រៀល ក៏គ្មានលទ្ធភាពទិញដែរ ។ ជីវិតដែលធ្លាប់តែសោយសុខ និងស្នាមញញឹមមានងារជាតារាឡូយឆាយ ជាឌីជេល្បីឈ្មោះ ពេលនេះកញ្ញា កែវ អាលីយ៉ា តារាធ្លាប់គ្រងតំណែងសិចសុី កំពុងធ្លាក់ខ្លួនឈឺសាច់ឈាមធ្លាក់ចុះស្គមបណ្តើរៗ និងគ្មានសាច់ញាតិមើលថែ ។ ពិតជាខ្លោចចិត្តបំផុត សូម្បីតែបន្ទប់សម្រាកគឺនៅរួមគ្នាសម្រាប់តែអ្នកជំងឺក្រីក្រប៉ុណ្ណោះ ។ តាមប្រភពពីអ្នកជិតដិតម្នាក់ ដែលបានទៅសួរសុខទុក្ខនាងដល់មន្ទីរពេទ្យកាល់ម៉ែត បានបង្ហាញពីក្តីសង្វេគពេលឃើញនាងធ្លាក់ខ្លួន ហើយដេកនៅនឹងគ្រែតែម្នាក់ឯង គ្មានបងប្អូនសាច់ញាតិនៅជិតដូចអ្នកជំងឺផ្សេងទៀត ។ អាលីយ៉ាស្រក់ទឹកភ្នែក ព្រោះឃើញមានអ្នកជិតដិតតែម្នាក់គត់ បានមកសួរសុខទុក្ខនាង ។ 
តារាធ្លាប់តែចែងចាំងរូបនេះ សូម្បីតែឃ្លានម្ជូរ ឬបាញ់សុ៊ង ក៏គ្មានលទ្ធភាពទិញដែរ ។ នាងគ្មានសល់អ្វី សូម្បីតែឆ្នាំងសាកទូរស័ព្ទ សម្លៀកបំពាក់ គឺបានអ្នកជិតដិតទិញអាវជជុះ២ និងថ្មទូរស័ព្ទឱ្យ ។ តាមការឱ្យដឹងថា អាលីយ៉ា មានជំងឺរលាកទងសួត ហើយមុនពេលមកដល់មន្ទីរពេទ្យកាល់ម៉ែត នាងបានសម្រាកព្យាបាលនៅខេត្តសៀមរាប និងទើបតែមកភ្នំពេញបានជាងមួយអាទិត្យ ។ កញ្ញា អាលីយ៉ា មកដល់ពេលនេះ មិនទាន់ទទួលបានពន្លឺយុត្តិធម៌នៅឡើយទេ ក្រោយពីនាងរងអំពើហិង្សាដោយការវាយធ្វើបាបពីបុរសម្នាក់កាលពីជាង២ឆ្នាំមុន ។ នាងក៏ធ្លាប់ព្រមានដោះសម្លៀកបំពាក់ចេញពីខ្លួន ដើម្បីទាមទារយុត្តិធម៌ដែរ ។ អស់រយៈពេលជាង២ឆ្នាំនេះ អាលីយ៉ា បានទន្ទឹងរង់ចាំយុត្តិធម៌ ប៉ុន្តែដោយសារតែគ្មានលុយ ទើបយុត្តិធម៌មិនបានកើតមានឡើយសម្រាប់រូបនាង ។ តារាស្រីរូបនេះធ្លាប់រំឭកថា កាលពីជាង២ឆ្នាំមុន នាងត្រូវបានបុរសខ្មែរសញ្ជាតិអាមេរិកម្នាក់បានវាយធ្វើបាប ហើយនាងព្យាយាមស្វែងរកផ្លូវច្បាប់ដើម្បីជួយដោះស្រាយ ប៉ុន្តែ
មិនទទួលបានលទ្ធផល ព្រោះតែនាងមិនមានលុយគ្រប់គ្រាន់ឱ្យទៅមន្ត្រីដែលធ្វើការងារនេះ ។ នាងធ្លាប់និយាយទាំងទឹកភ្នែកថា នាងរស់នៅក្នុងទុក្ខវេទនារយៈពេលជាងពីរឆ្នាំហើយ មានទាំងការឈឺចាប់ជំងឺផ្លូវចិត្ត ការសង្ស័យទាំងការខ្វះខាតចំណីអាហារ ។ ក្រៅពីរងអំពើហិង្សា នាងក៏បាត់បង់មុខរបរដែរ គ្រាដែលអ្នកបង្កមានសេរីភាព និងមានឱកាសឌឺដងផ្លែផ្កាឱ្យនាង ។
ជាយូរមកហើយ នាងមិនដែលទម្លាយរឿងរ៉ាវឈឺចាប់នេះទេ ព្រោះតែមិនចង់ឱ្យក្រុមគ្រួសារលំបាកដោយសារនាង ព្រោះតែនាងជ្រើសរើសមនុស្សប្រុសម្នាក់នោះដោយខ្លួនឯង ។ ប៉ុន្តែអ្វីដែលនាងចង់បាន គឺចង់ឱ្យបញ្ចប់ការមាក់ងាយច្បាប់នៅកម្ពុជាពីសំណាក់បុរសម្នាក់នោះ ហើយអ្វីដែលនាងកាន់តែពិបាកទទួលយកបានថែមទៀតនោះ គឺគ្រាដែលរងនូវអំពើហិង្សា និងបាត់បង់ទ្រព្យសម្បត្តិពីខ្លួនអស់រលីងហើយនោះបែរជាត្រូវរងការគាបសង្កត់ ទាមទារលុយដើម្បីបន្តនីតិវិធីប្តឹងប្តល់ទៀត ។ កន្លងមក នាងក៏ធ្លាប់មានសកម្មភាពមនុស្សធម៌ជាច្រើនដែរដូចជា ជួយមន្ទីរពេទ្យគន្ធបុប្ផានិងការចូលរួមសម្តែងកម្មវិធី«អង្គរសង្ក្រាន្ត»ជាដើម ។ សង្ឃឹមថា សមាគមសិល្បៈដែលមានអ្នកនាង ចន ច័ន្ទលក្ខិណា ជាប្រធាន នៅពេលជ្រាបដំណឹងនេះ នឹងមានការខ្នះខ្នែងជួយនាងឲ្យរួចពីទុក្ខក្នុងគ្រាដ៏លំបាកនេះជាមិនខាន ៕
ចែករំលែកព័តមាននេះ