អីយ៉ាស់! ផ្លែក្រូចឆ្មារមានប្រយោជន៍ដ៏អស្ចារ្យបែបនេះ

ថ្ងៃទី ២១ ខែ មិថុនា ឆ្នាំ ២០១៨
ម៉ោង ១៧:០២
សហការី

អត្ថប្រយោជន៍ចំពោះសុខភាពរបស់ក្រូចឆ្មារមានដូចជា ការព្យាបាលទៅលើករណីពិបាករំលាយអាហារ ទល់លាមក បញ្ហាមាត់ធ្មេញ ការបង្ករោគក្នុងបំពង់ក ក្តៅខ្លួន ហូរឈាមក្នុងខ្លួន រលាកសន្លាក់ រលាក ធាត់ជ្រុល ជំងឺផ្លូវដង្ហើមជាដើម ។

ក្រូចឆ្មារក៏ត្រូវបានគេដឹងថា ជួយពង្រឹងដល់ប្រព័ន្ធភាពស៊ាំ លាងសម្អាតក្រពះ និងជួយច្រោះឈាមផងដែរ។ ទឹកក្រូចឆ្មារមានប្រយោជន៍ចំពោះសុខភាពច្រើនណាស់ ។ វាត្រូវបានគេដឹងថា មានប្រយោជន៍ក្នុងការព្យាបាលជំងឺគ្រួសក្នុងតម្រងនោម បន្ថយជំងឺដាច់សរសៃឈាមខួរក្បាល និងបញ្ចុះសីតុណ្ហភាពរាងកាយ ។ ក្នុងក្រូចឆ្មារមួយផ្លែអាចមានជីវជាតិជាច្រើនដូចជា វីតាមីន C វីតាមីន B6, A, E, Folate, Niacin, Thiamin, Riboflavin, Pantothenic Acid ទង់ដែង កាល់ស្យូម ជាតិដែក ម៉ាញ៉េស្យូម ប៉ូតាស្យូម ស័ង្កសី ផូស្វ័រ និងប្រូតេអ៊ីន។ វាក៏មានសារធាតុ Flavonoids ដែលផ្ទុកទៅដោយអង់ទីអុកស៊ីដង់ដែលប្រឆាំងការកើតជំងឺមហារីកផងដែរ ។ អត្ថប្រយោជន៍ចំពោះសុខភាពជាច្រើនដែលក្រូចឆ្មារផ្តល់ឲ្យ ៖១-ព្យាបាលបញ្ហាក្រពះពិបាកកិនអាហារ ៖ទឹកក្រូចឆ្មារជួយព្យាបាលបញ្ហាដែលទាក់ទងនឹងការមិនរំលាយអាហារ និងទល់លាមក ។ ចូរដាក់ទឹកក្រូចឆ្មារពីរបីតំណក់ក្នុងចាន ហើយទទួលទាន នោះវានឹងជួយដល់ការរំលាយអាហារហើយ ។ វាដើរតួនាទីជួយដល់ការច្រោះឈាម និងលាងសម្អាតដែរ ។

២-ព្យាបាលការក្តៅខ្លួន ៖ ទឹកក្រូចឆ្មារអាចព្យាបាលអ្នកដែលមានបញ្ហាជំងឺផ្តាសាយ ផ្តាសាយធំ ឬក្តៅខ្លួនបាន ។ វានឹងជួយបញ្ចុះកម្តៅតាមរយៈបង្កើនការបែកញើស ។

៣-ថែរក្សាមាត់ធ្មេញ ៖ វាក៏ត្រូវបានគេប្រើប្រាស់ញឹកញាប់ដែរលើការថែរក្សាមាត់ធ្មេញ ។ បើសិនជាទឹកក្រូចឆ្មារស្រស់ត្រូវបានលាបនៅលើធ្មេញដែលឈឺ នោះវាអាចជួយដល់ការបំបាត់ភាពឈឺចាប់បាន ។ ការម៉ាស្សាទឹកក្រូចឆ្មារលើអញ្ចាញធ្មេញអាចបញ្ឈប់ការហូរឈាមតាមអញ្ចាញធ្មេញ ខណៈពេលដែលវាលុបបំបាត់បញ្ហាក្លិនមាត់ផង ។ ប៉ុន្តែចូរចាំថា ការដែលប៉ះពាល់នឹងជាតិអាស៊ីតនេះច្រើនពេក អាចធ្វើឲ្យមាត់ក្រហាយបាន ដូច្នេះចូរលាងសម្អាតមាត់ ភ្លាមៗជាមួយទឹកធម្មតា ។

៤-ថែរក្សាសក់ ៖ ទឹកក្រូចឆ្មារត្រូវបានគេអះអាងថា មានប្រយោជន៍ក្នុងការព្យាបាលសក់។ នៅពេលលាបទឹកក្រូចឆ្មារនៅលើស្បែកក្បាល អាចព្យាបាលបញ្ហាដូចជា អង្គែ សក់ជ្រុះ និងបញ្ហា ផ្សេងៗទៀតដែលទាក់ទងនឹងសក់ និងស្បែកក្បាលបាន ។ បើសិនជាអ្នកលាបទឹកនេះនៅលើសក់ដោយផ្ទាល់ វាអាចជួយផ្តល់ភាពរលោងដល់សក់បែបធម្មជាតិទៀត ។

៥-ថែរក្សាស្បែក ៖ ទឹកក្រូចឆ្មារមានសារធាតុប្រឆាំងនឹងមេរោគបែបធម្មជាតិ ដែលអាចព្យាបាលបញ្ហាដែលទាក់ទងនឹងស្បែកបាន ។ អ្នកអាចលាបទឹកក្រូចឆ្មារលើកន្លែងដែលរលាកបាន ដើម្បីជួយបន្ថយការឈឺចាប់ ។ វាក៏ល្អសម្រាប់ជំងឺមុន និងតាកអកផងដែរ ។ វាដើរតួនាទីជាសារធាតុប្រឆាំងភាពចាស់ និងអាចលុបបំបាត់ភាពជ្រីវជ្រួញ និងមុនបានទៀត ។ ការដែលញ៉ាំទឹកក្រូចឆ្មារជាមួយទឹក និងទឹកឃ្មុំនឹងជួយឲ្យស្បែកមានសុខភាពល្អចែងចាំងផង ។

៦-ព្យាបាលការរលាក ៖ ការប្រើប្រាស់ទឹកក្រូចឆ្មារនៅលើកន្លែងរលាកចាស់ៗ អាចជួយលុបបំបាត់ស្នាម និងផ្តល់ភាពត្រជាក់ដល់ស្បែក ដែលអាចបន្ថយអារម្មណ៍ក្រហាយលើស្បែកបានទៀត ។

៧-ហូរឈាមក្នុងខ្លួន ៖ វាមានសារធាតុប្រឆាំងនឹងមេរោគ និងជួយឲ្យឈាមកក ដូច្នេះវាក៏អាចបញ្ឈប់ការហូរឈាមបានដែរ ។ អ្នកអាចចាក់ទឹកក្រូចឆ្មារលើសម្លីតូចមួយ ហើយដាក់ក្នុងច្រមុះដើម្បីបញ្ឈប់ការហូរឈាម ។៨-សម្រកទម្ងន់ ៖ បើសិនជាមនុស្សម្នាក់ញ៉ាំទឹកក្រូចឆ្មារជាមួយគ្នានឹងទឹកក្តៅ ឧណ្ហៗ និងទឹកឃ្មុំ វាអាចជួយសម្រកទម្ងន់បានយ៉ាងល្អ ។

៩-បន្ថយបញ្ហាផ្លូវដង្ហើម ៖ ទឹកក្រូចឆ្មារជួយដល់ការបំបាត់បញ្ហាផ្លូវដង្ហើម និងបញ្ហាដកដង្ហើម ជាពិសេសអ្នកជំងឺហឺតតែម្តង ។ ដោយសារតែវាសម្បូរវីតាមីន C វាក៏អាចជួយដោះស្រាយបញ្ហាផ្លូវដង្ហើមរយៈពេលយូរបានដែរ ។

១០-ព្យាបាលជំងឺអាសន្តរោគ ៖ ជំងឺជាច្រើនដូចជា ជំងឺអាសន្នតរោគ និងក្រុនចាញ់អាចព្យាបាលបានជាមួយនឹងទឹកក្រូចឆ្មារ ដោយសារតែវាដើរតួនាទីជាសារធាតុច្រោះឈាម។

១១-បន្ធូរក្នុងប្រអប់ជើង ៖ ក្រូចឆ្មារគឺជាសារធាតុប្រឆាំងមេរោគ និងផ្តល់ក្លិនអារ៉ូម៉ា ហើយក៏មានប្រយោជន៍ក្នុងការបន្ធូរក្នុងប្រអប់ជើងដែរ ។ ចូរលាយទឹកក្រូចឆ្មារក្នុងទឹកក្តៅ ឧណ្ហៗ ហើយជ្រលក់ជើងទៅក្នុងនោះដើម្បីបន្ថយភាពតឹងរបស់សាច់ដុំប្រអប់ជើងផង ។
១២-ព្យាបាលជំងឺរលាកសន្លាក់ ៖ វាក៏មានសារធាតុបញ្ចុះទឹកនោមដែរ ហើយអាចព្យាបាលការរលាកសន្លាក់ជាច្រើនទៀត។ វាជួយច្រោះបាក់តេរី និងជាតិពុលពីក្នុងរាងកាយ។

១៣-ការបង្ករោគក្នុងបំពង់ក ៖ ក្រូចឆ្មារគឺជាផ្លែឈើដ៏ឆ្លាតវៃមួយដែលអាចប្រឆាំងបញ្ហាដែលទាក់ទងនឹងការបង្ករោគក្នុងបំពង់កបាន ដោយសារតែវាត្រូវបានគេដឹងថាមានមុខងារប្រឆាំងនឹងបាក់តេរី ។

១៤-គ្រប់គ្រងសម្ពាធឈាម ៖ ការញ៉ាំទឹកក្រូចឆ្មារមានប្រយោជន៍សម្រាប់អ្នកដែលមានបញ្ហាបេះដូង ដោយសារតែវាផ្ទុកទៅដោយជាតិប៉ូតាស្យូម ។ វានឹងជួយគ្រប់គ្រងដល់ការលើសសម្ពាធឈាម វិលមុខ និងចង្អោះ តាមរយៈផ្តល់នូវអារម្មណ៍រំងាប់អារម្មណ៍ទាំងផ្លូវកាយនឹងចិត្ត ។ វាក៏ជួយបន្ថយអារម្មណ៍តានតឹងខាងផ្លូវចិត្ត និងបាក់ទឹកចិត្តផងដែរ ៕

ស្រង់ពីគេហទំព័រសុខភាព