ខេត្តប៉ៃលិន ៖ មនុស្សក្មេងចាស់ប្រុសស្រីចំនួន៤នាក់បានរងរបួសធ្ងន់និងស្រាល ត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណ:ក្មេងប្រុសជំទង់ម្នាក់បើកបរម៉ូតូមិនមើលឆ្វេងស្តាំក៏ជ្រុលទៅបុកជាមួយម៉ូតូ១គ្រឿងទៀត បណ្តាលឱ្យរងរបួសធ្ងន់ស្រាលតែម្តង ។ ហេតុការណ៍នេះបានកើតឡើងកាលពីវេលាម៉ោង១២និង៣៩នាទីថ្ងៃត្រង់ថ្ងៃទី២០ ខែមិថុនា ឆ្នាំ២០១៨…
ខេត្តប៉ៃលិន ៖ មនុស្សក្មេងចាស់ប្រុសស្រីចំនួន៤នាក់បានរងរបួសធ្ងន់និងស្រាល ត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណ:ក្មេងប្រុសជំទង់ម្នាក់បើកបរម៉ូតូមិនមើលឆ្វេងស្តាំក៏ជ្រុលទៅបុកជាមួយម៉ូតូ១គ្រឿងទៀត បណ្តាលឱ្យរងរបួសធ្ងន់ស្រាលតែម្តង ។ ហេតុការណ៍នេះបានកើតឡើងកាលពីវេលាម៉ោង១២និង៣៩នាទីថ្ងៃត្រង់ថ្ងៃទី២០ ខែមិថុនា ឆ្នាំ២០១៨ នៅចំណុចផ្លូវលំមួយកន្លែង ក្នុងភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ 
ប្រភពព័ត៌មានបានឱ្យដឹងថា អ្នកដែលរងរបួសក្នុងករណីខាងលើមានចំនួន៤នាក់ ក្នុងនោះរបួសស្រាល២នាក់ ធ្ងន់២នាក់ និងខូចខាតម៉ូតូអស់ចំនួន២គ្រឿង ។ ជនបង្កឈ្មោះ ឆាង នឿន ភេទប្រុស អាយុ១២ឆ្នាំ រស់នៅភូមិឃុំកើតហេតុខាងលើ រងរបួសស្រាល បើកបរម៉ូតូមួយគ្រឿងតែម្នាក់ឯង ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១១ ពាក់ស្លាកលេខ ប៉ៃលិន ១A-៦៣៥២ ហើយម៉ូតូរងការខូចខាតធ្ងន់ធ្ងរ ។ ចំណែកជនរងគ្រោះទាំង៣នាក់ដែលជិះម៉ូតូមួយគ្រឿង ក្នុងនោះរួមមាន ទី១-ឈ្មោះ វិន ភេទប្រុស អាយុ២២ឆ្នាំ ជាអ្នកបើកបរម៉ូតូម៉ាកហុងដាឌ្រីម ស៊េរីឆ្នាំ២០០៩ ពណ៌ខ្មៅ ពាកស្លាកលេខ ប៉ៃលិន ១A-៧៦៣១ បានរងរបួសស្រាល ហើយម៉ូតូរងការខូចខាតធ្ងន់ធ្ងរ ទី២-ឈ្មោះ ណយ ដេន ភេទស្រី អាយុ១៩ឆ្នាំ ជាអ្នករួមដំណើរ រស់នៅភូមិអាឡាំទទឹង ខេត្តពោធិ៍សាត់ បានរងរបួសធ្ងន់ និងទី៣-ឈ្មោះម៉ាត់ ភេទប្រុស អាយុ២១ឆ្នាំ ជាអ្នករួមដំណើរ រស់នៅភូមិអាឡាំទទឹង ខេត្តពោធិ៍សាត់ បានរងរបួសធ្ងន់ ។
ប្រភពបន្តទៀតថា មូលហេតុដែលបណ្តាលឱ្យមានករណីគ្រោះថ្នាក់ចរាចរណ៍នេះមកពីក្មេងប្រុសជំទង់មិនទាន់គ្រប់អាយុបើកបរម៉ូតូមិនប្រកាន់ស្ដាំ និងបើកបរលើសល្បឿនកំណត់ លុះភាគីម៉ូតូម្ខាងទៀតគេចមិនទាន់ក៏បុកគ្នាយ៉ាងពេញទំហឹងតែម្តង ។ បច្ចុប្បន្នវត្ថុតាងម៉ូតូទាំង២គ្រឿងត្រូវបានកម្លាំងជំនាញការិយាល័យនគរបាលចរាចរណ៍ផ្លូវគោកយកទៅរក្សាទុកនៅស្នងការដ្ឋាននគរបាលខេត្តប៉ៃលិន ដើម្បីរង់ចាំធ្វើការដោះស្រាយតាមផ្លូវច្បាប់ ៕
ចែករំលែកព័តមាននេះ