ការអត់ធន់ បើនឹងរៀបរាប់មានច្រើនណាស់ តែដើម្បីងាយស្រួលចាំបុរាណាចារ្យលោកបានចែកវត្ថុដែលត្រូវអត់ធន់ជា៤ ចំណុចទៅតាមកម្រិតនៃការអត់ធន់ដូចខាងក្រោមៈ ១-អត់ធន់ចំពោះសេចក្តីលំបាក គឺអត់ធន់ចំពោះការលំបាករបស់ការងារមិនរុញរាចំពោះឧបសគ្គ ការហត់នឿយ ស្រេកឃ្លាន ក្តៅត្រជាក់ជាដើម។ ២-អត់ធន់ចំពោះទុក្ខវេទនា…
ការអត់ធន់ បើនឹងរៀបរាប់មានច្រើនណាស់ តែដើម្បីងាយស្រួលចាំបុរាណាចារ្យលោកបានចែកវត្ថុដែលត្រូវអត់ធន់ជា៤ ចំណុចទៅតាមកម្រិតនៃការអត់ធន់ដូចខាងក្រោមៈ
១-អត់ធន់ចំពោះសេចក្តីលំបាក គឺអត់ធន់ចំពោះការលំបាករបស់ការងារមិនរុញរាចំពោះឧបសគ្គ ការហត់នឿយ ស្រេកឃ្លាន ក្តៅត្រជាក់ជាដើម។
២-អត់ធន់ចំពោះទុក្ខវេទនា ដូចជាការឈឺចាប់ ជំងឺតម្កាត់ ចំពោះការសោកសៅ ការព្រាត់ប្រាស របួស មុតនេះមុតនោះជាដើម ។
៣-អត់ធន់ចំពោះការឈឺចិត្ត ដូចជាបានទទួលភាពអយុត្តិធម៌ត្រូវគេដើរនិន្ទា មួលបង្កាច់ ត្រូវគេចំអកឡកឡើយ មើលថោកមើលងាយ ត្រូវគេរារាំងមិនឱ្យសម្រេចកិច្ចការជាដើម។
៤-អត់ធន់ចំពោះអំណាចកិលេស ដូចជាអត់ធន់ចំពោះវត្ថុដែលមកជន្លនូវកាមារម្មណ៍របស់យើងឱ្យស្រើបស្រាល អត់ធន់ចំពោះការបញ្ជោរ អួតលើកជើង អត់ធន់ចំពោះការចង់បានអំណាចមិនត្រឹមត្រូវតាមធម៌រួមគឺការអត់ធន់ចំពោះចិត្តដែលចង់ធ្វើអ្វីស្រេចតែចិត្ត។
ទាំងបួនចំណុចនេះជាគន្លឹះស្នូលនៃការអត់ធន់ បើបុរសបុគ្គលធ្វើបានលោកចាត់ថា ជាមនុស្សពិសេសបំផុតក្នុងលោក ។
ចែករំលែកព័តមាននេះ