ក្រុមម្ចាស់ផ្ទះរុស្ស៊ីទទួលបានជ័យជម្នះយ៉ាងត្រចះត្រចង់ម្តងទៀត បន្ទាប់ពីលត់ក្រុមអេហ្ស៊ីបដោយលទ្ធផល ៣-១ ហើយកីឡាករ Denis Cheryshevរបស់ក្រុមខ្លាឃ្មុំទឹកកករុស្ស៊ីក៏បានជាប់ឈ្មោះជាកីឡាករល្អបំផុតលើទីលាន World Cup «The Best Player of FIFA World Cup» ផងដែរក្រោយបញ្ចប់ការប្រកួតកាលពីរាត្រីម្សិលមិញ ។
Denis Cheryshev រកបានគ្រាប់បាល់ទីពីរនៅនាទីទី៥៩ បន្ទាប់ពីគូប្រកួតកីឡាករ Ahmed Fathyភ្លាត់ស្នៀតធ្វើឱ្យបាល់ចូលទីខ្លួនឯង (OG) នៅនាទីទី៤៧ មុនពេលកីឡាករមិត្តរួមក្រុម Artem Dzyubaរកបាន១គ្រាប់ចុងក្រោយនៅនាទីទី៦២ ។ កាលពីជំនួបបើកឆាកជាមួយក្រុមអារ៉ាប៊ីសាអូឌីត Cheryshev ក៏ជាប់ឈ្មោះដូចគ្នាដែរក្រោយរកបានពីរគ្រាប់ម្នាក់ឯង ហើយទទួលបានការគំនាប់ពីសំណាក់លោក Stanislav Cherchesov ដែលជាគ្រូជម្រើសជាតិទៀតផង ។
គួររំលឹកថា ស្ថិតក្នុងពូល A ក្រុមរុស្ស៊ីឈរកំពូលតារាងមាន៦ពិន្ទុក្នុងដៃគ្រប់គ្រាន់ឡើងវគ្គ១៦ក្រុម ខណៈក្រុមអ៊ុយរូហ្គាយលេខពីរមាន ៣ពិន្ទុ ហើយពួកគេនឹងត្រូវប៉ះគ្នាក្នុងការប្រកួតចុងក្រោយបញ្ចប់វគ្គជម្រុះក្នុងពូលដែលធ្វើឡើងនៅថ្ងៃទី២៥ មិថុនា សប្តាហ៍ក្រោយ ៕
ចែករំលែកព័តមាននេះ