រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នាវេលាម៉ោង០៩ព្រឹកថ្ងៃទី២១ មិថុនា លោកនាយឧត្តមសេនីយ៍ហ៊ឹម យ៉ាន អគ្គស្នងការរងនគរបាលជាតិ បាននិងកំពុងធ្វើសន្និសីទសារព័ត៌មានបង្ហាញពីករណីគ្រោះថ្នាក់របស់សម្តេចក្រុមព្រះ និងបណ្តាលឱ្យស្លាប់អ្នកម្នាងអ៊ុក ផល្លា កាលពីថ្ងៃទី១៦ មិថុនា កន្លងមក ស្ថិតនៅខេត្តព្រះសីហនុ ។ សន្និសីទសារព័ត៌មាន ធ្វើឡើងនៅអគ្គស្នងការនគរបាលជាតិក្នុងក្រសួងមហាផ្ទៃ ។
ការធ្វើសន្និសីទសារព័ត៌មាននេះ ដើម្បីឱ្យអស់មន្ទិលសង្ស័យ និងបន្ទាប់ពីការស្នើររបស់លោកយូ ហុកគ្រី អនុប្រធានគណបក្ស ហ្វ៊ុន ស៊ិនប៉ិច ដើម្បីឱ្យអគ្គស្នងការដ្ឋាននគរបាលជាតិ ក៏ដូចជាក្រសួងមហាផ្ទៃ ធ្វើការស៊ើបអង្កេតករណីគ្រោះថ្នាក់ចរាចរណ៍នេះឡើងវិញ ។
គួរបញ្ជាក់ថា សម្ដេចក្រុមព្រះ នរោត្ដម រណឬទ្ធិ ព្រះប្រធានគណបក្ស ហ្វ៊ុន ស៊ិនប៉ិច បានជួបគ្រោះថ្នាក់ចរាចរណ៍ កាលពីព្រឹកថ្ងៃទី១៧ មិថុនា នៅភូមិអូរតាសេក ឃុំអូរចំណារ ស្រុកព្រៃនប់ ខេត្ដព្រះសីហនុ ចំណុចគីឡូម៉ែត្រលេខ២០០-២០១ បណ្ដាលឲ្យព្រះអង្គរងរបួសធ្ងន់ ហើយត្រូវបានបញ្ជូនទៅសង្គ្រោះបន្ដ នៅឯប្រទេសថៃ។ ដោយឡែក អ្នកម្នាង អ៊ុក ផល្លា បានទទួលមរណភាព ក្រោយពេលបញ្ជូនដល់មន្ទីពេទ្យ នៅខេត្តព្រះសីហនុ ដោយសារតែស្ថានភាពរបួសធ្ងន់ធ្ងរពេក
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ