កូនតូចរបស់អ្នកអាចនឹងត្រូវការទឹកដោះម្តាយគ្រប់ពេលវេលា ។ ការផ្តល់អាហារឲ្យគេគ្រប់គ្រាន់នឹងជួយឲ្យគេមានសុខភាពល្អ អារម្មណ៍ស្រស់ថ្លា ហើយគេងលក់ស្រួល ។
ទម្លាប់នៃការបំបៅដោះកូន នឹងជួយធ្វើឲ្យកូនរបស់អ្នក និងអ្នកមានសុខភាពល្អ ហើយបង្កើនភាពជិតស្និទ្ធ ។
សិទ្ធិរបស់អ្នកក្នុងការបំបៅកូនដោយទឹកដោះម្តាយជាសាធារណៈត្រូវបានការពារដោយច្បាប់។ ដូច្នេះចូរកុំមានការអៀនខ្មាស ប្រសិនបើកូនរបស់អ្នកឃ្លានបៅ ពេលអ្នកនៅខាងក្រៅ ហើយអ្នកអាចស្វែងរកកន្លែងសុខស្រួល និងស្លៀកសម្លៀកបំពាក់ដែលងាយស្រួលក្នុងការបំបៅដោះកូន ។
ការបំបៅកូនដោយទឹកដោះម្តាយជាទៀងទាត់ គឺល្អសម្រាប់អ្នកម៉ាក់ផងដែរ ។
-វាអាចជួយឲ្យអ្នកធូរស្រាលពីរបួស និងការសម្រាលកូនវិញយ៉ាងឆាប់រហ័ស ។
-បន្ថយហានិភ័យនៃជំងឺមហារីកក្រពេញអូវែ និងជំងឺមហារីកសុដន់ ។
-ជួយថែរក្សាសុខភាពម្តាយ និងកូន ។
-ជួយរក្សាទម្ងន់ឲ្យបានល្អប្រសើរជាងមុន ។
-ទារកលូតលាស់បានល្អ ។
-កូន និងម្តាយមិនងាយឈឺ ។
ទឹកដោះម្តាយ វាមិនត្រឹមតែមានសារធាតុចិញ្ចឹមដែល កូនៗត្រូវការនោះទេ ប៉ុន្តែវាថែមទាំងមានអង់ទីករ និងអ៊័រម៉ូនដែលការពារកូនរបស់អ្នកពីជំងឺផ្សេង ។ ជាការណ៍ពិត ទារកដែលបំបៅកូនដោយទឹកដោះម្តាយមិនសូវមានជំងឺឆ្លងត្រចៀក ជំងឺរាករូស ជំងឺហឺត និងជំងឺផ្លូវដង្ហើមនោះទេ ។ ពួកគេក៏មានការថយចុះហានិភ័យនៃជំងឺធាត់ និងជំងឺទឹកនោមផ្អែមប្រភេទទី២ផងដែរ៕
ស្រង់ពីគេហទំព័រសុខភាព
ចែករំលែកព័តមាននេះ