រាជធានីភ្នំពេញ ៖ ក្នុងជំនួបសំណេះសំណាល់ជាមួយពលរដ្ឋខ្មែរដែលធ្វើការនៅក្នុងប្រទេសថៃ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានអំពាវនាវដល់ពលករទាំងអស់អញ្ជើញមកចូលរួមបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ទាំងអស់គ្នា ។ ក្នុងពិធីសំណេះសំណាលជាមួយពលករខ្មែរដែលកំពុងបម្រើការងារនៅរោងចក្រ KING…
រាជធានីភ្នំពេញ ៖ ក្នុងជំនួបសំណេះសំណាល់ជាមួយពលរដ្ឋខ្មែរដែលធ្វើការនៅក្នុងប្រទេសថៃ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានអំពាវនាវដល់ពលករទាំងអស់អញ្ជើញមកចូលរួមបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ទាំងអស់គ្នា ។ ក្នុងពិធីសំណេះសំណាលជាមួយពលករខ្មែរដែលកំពុងបម្រើការងារនៅរោងចក្រ KING PAC INDUSTRIAL CO.,LTD. ជារោងចក្រផលិតថង់ប្លាសស្ទិចដែលមានពលករកម្ពុជាធ្វើការនៅទីនោះមានចំនួនជាង១ពាន់នាក់ ស្ថិតនៅក្នុងខេត្តឈុនបុរី ប្រទេសថៃ កាលពីថ្ងៃទី១៧ ខែមិថុនា ថា ប្រការនេះបង្ហាញពីកិច្ចសហប្រតិបត្តិការណ៍ដ៏ជិតស្និទ្ធរវាងប្រទេសយើងទាំងពីរកម្ពុជា-ថៃពី ទំនាក់ទំនងដ៏ល្អរវាងរាជរដ្ឋាភិបាលទាំងពីរកម្ពុជា-ថៃ និងកិច្ចសហការយ៉ាងស្អិតរវាងក្រសួងការងារនៃប្រទេសទាំងពីរកម្ពុជា-ថៃ ។
លោករដ្ឋមន្ត្រីអរគុណក្រុមហ៊ុនថៃទាំងអស់ដែលបានទទួលពលករកម្ពុជាឲ្យធ្វើការនៅក្នុងសហគ្រាសរបស់ខ្លួន និងបានផ្ដល់នូវលក្ខខណ្ឌការងារល្អស្របតាមច្បាប់នៃព្រះរាជាណាចក្រថៃ និង MOU ស្ដីពីកិច្ចសហការលើវិស័យការងារនៃប្រទេសទាំងពីរកម្ពុជា-ថៃ ។
រដ្ឋមន្ត្រីក៏បានលើកឡើងថា រាជរដ្ឋាភិបាលកម្ពុជាបានចាត់តាំងប្រតិភូថ្នាក់ដឹកនាំ និងអាជ្ញាធរគ្រប់ខេត្តមកសួរសុខទុក្ខបងប្អូននៅថៃ និងបានកំពុងយកចិត្តទុកដាក់ដល់គ្រួសារបងប្អូនពលករខ្មែរ នៅតាមមូលដ្ឋានក្នុងប្រទេសថៃ ។ គោលនយោបាយរបស់រាជរដ្ឋាភិបាលកម្ពុជា គឺផ្ដល់នូវ ការគាំទ្រដល់បងប្អូនពលករ និងក្រុមគ្រួសារ ។ មិនដូចបក្សប្រឆាំង និងអង្គការក្រៅរដ្ឋាភិបាល ប្រឆាំងមួយចំនួនចុះមកជួបបងប្អូនយើងនៅក្រៅប្រទេសតែងតែនិយាយភូតកុហកតាំងខ្លួនជាអ្នកជួយពលករតែតាមពិតបោកប្រាស់ទឹកចិត្តបងប្អូនប្រឆាំងស្អប់រាជរដ្ឋាភិបាលដែលខំជួយបងប្អូនពិតប្រាកដ ។
លោកបញ្ជាក់ថា «តាមពិតពួកនេះមានគំនិតអាក្រក់មិនទទួលស្គាល់តមៃ្លការងារ និងសិទ្ធរបស់បងប្អូនពលករឡើយ ប្រើពាក្យប្រមាថពលករថា ជាខ្ញុំកញ្ជះគេជាវណ្ណៈថោកទាបទម្លាក់កំហុសលើរដ្ឋាភិបាលដែលខំរការងារជូនបងប្អូនពិតប្រាកដទាំងអស់នេះដែលយើងមិនអាចទទួលយកបានឡើយ» ។
លោកក៏បានកោតសសើរបងប្អូនពលករខ្មែរយើង គឺជាពលរដ្ឋដ៏ឆ្នើមរបស់ជាតិរកប្រាក់ចំណូលជួយគ្រួសារតាមរយៈកសាងជីវភាពគ្រួសារ កាត់បន្ថយភាពក្រីក្រ និងអភិវឌ្ឍន៍ប្រទេសជាតិ១ឆ្នាំ បានប្រមាណ២ពាន់លានដុល្លារ ។ បងប្អូនពលករចេះជំនាញកាងារដែលកំពុងធ្វើពេលត្រឡប់ទៅវិញមានការងារ និងកសាងប្រទេសតាមរយៈការងារនៅក្នុងស្រុកយើង ។ បងប្អូនបានជួយ ផ្សារភ្ជាប់ទំនាក់ទំនងរវាងប្រជាជន និងប្រជាជនប្រទេសទាំងពីរឈ្នះឈ្នះទាំងអស់គ្នា ឯកឧត្តមលើកឡើងថា សភាពការណ៍ប្រទេសកម្ពុជាកំពុងល្អណាស់ ។ មានសន្តិភាព ស្ថិរភាពយើងបានរកឃើញ និងចាត់វិធានការទាន់ពេលវេលាចំពោះអំពើក្បត់ជាតិរបស់លោកកឹម សុខា និង បក្សសង្គ្រោះជាតិ ហើយចាត់វិធានការតាមច្បាប់ ។ មានកំណើនសេដ្ឋកិច្ច៧% ការងារធ្វើ ៩៩.៣% ។ មានជីវភាពធូធារប្រាក់ខែមន្ត្រីរាជការមានការកើនឡើងជាបន្តបន្ទាប់ មានរបបសន្តិសុខសង្គមគ្រោះថ្នាក់ការងារថែទាំសុខភាពព្យាបាលជំងឺមិនបាច់បង់ប្រាក់ ថ្លៃទឹកភ្លើងចុះថោក តម្លៃជួលផ្ទះមិនឡើងថ្លៃ កម្មការីនីឆ្លងទន្លេមានប្រាក់ឧបត្ថម្ភពី៤០ម៉ឺនរៀល៨០ម៉ឺនរៀល និង១២០ ម៉ឺនរៀល ឆ្នាំ២០១៩ មានរបបចូលនិវត្តសម្រាប់បងប្អូនកម្មករកម្មការិនី បងប្អូននៅថៃក៏អាចមានរបបចូលនិវត្តនេះដែរ ។
លោករដ្ឋមន្ត្រីបានអំពាវនាវដល់បងប្អូនពលកររស់នៅធ្វើការងារគោរពច្បាប់អនុវត្តតាមច្បាប់មានសុវត្ថិភាព ថែរក្សាសុខភាព ខំរៀនជំនាញ ដើម្បីអនាគត សាមគ្គីជួយគ្នាខ្មែរ និងខ្មែរ ខ្មែរ និងថៃ និងសុំស្ថានទូតបន្តយកចិត្តទុកដាក់តាមដានដោះស្រាយរាល់បញ្ហានានាស្របតាមច្បាប់នៃប្រទេសថៃ និងអនុស្សរណនៃការយោគយល់គ្នានៃប្រទេសទាំងពីរ ។
សម្រាប់ថ្ងៃទី២៩ ខែកក្កដា ឆ្នាំ២០១៨ ខាងមុខនេះសូមបងប្អូនអញ្ជើញទៅបោះឆ្នោតគ្រប់ៗគ្នា ៕
ចែករំលែកព័តមាននេះ