ខេត្តកំពង់ធំ ៖ យុវតី២នាក់ បានរងរបួសធ្ងន់នៅក្នុងគ្រោះថ្នាក់ជិះម៉ូតូបុកជាមួយរថយន្តដឹកដីក្នុងទិសដៅបញ្ច្រាសគ្នានៅចំណុចផ្លូវកោង ស្ថិតក្នុងភូមិមហរ៍ ឃុំជ័យ ស្រុកកំពង់ស្វាយ កាលពីវេលាម៉ោង១ និង៣០នាទីរសៀលថ្ងៃទី១៨ ខែមិថុនា…
ខេត្តកំពង់ធំ ៖ យុវតី២នាក់ បានរងរបួសធ្ងន់នៅក្នុងគ្រោះថ្នាក់ជិះម៉ូតូបុកជាមួយរថយន្តដឹកដីក្នុងទិសដៅបញ្ច្រាសគ្នានៅចំណុចផ្លូវកោង ស្ថិតក្នុងភូមិមហរ៍ ឃុំជ័យ ស្រុកកំពង់ស្វាយ កាលពីវេលាម៉ោង១ និង៣០នាទីរសៀលថ្ងៃទី១៨ ខែមិថុនា ។ យុវតីទាំង២នាក់ជិះម៉ូតូហុងដាសេ១២៥ ពណ៌ខ្មៅ ពាក់ផ្លាកលេខ កំពង់ធំ ១K-២២៧២ បើកបរដោយឈ្មោះ ហុន ចាន់ធី អាយុ២០ឆ្នាំ រស់នៅភូមិស្នួល ឃុំស្រឡៅ ស្រុកបារាយណ៍ និងអ្នករួមដំណើរឈ្មោះ ឡាច គង្គា អាយុ១៨ឆ្នាំ នៅភូមិថ្នល់ ឃុំទ្រៀល ស្រុកបារាយណ៍ ។
ចំណែករថយន្តដឹកដី ពណ៌ស ពាក់ផ្លាកលេខ ភ្នំពេញ ៣A-១៧០៣ បើកបរដោយឈ្មោះ ញឹក ធា ភេទប្រុស អាយុ២៦ឆ្នាំ នៅភូមិជាផល ឃុំមានជ័យ ស្រុកសណ្តាន់ ។បន្ទាប់ពីកើតហេតុ អ្នកបើកបររថយន្តបានគេចខ្លួនបាត់ បន្សល់ទុកតែរថយន្តនៅកណ្តាលផ្លូវ និងត្រូវបានសមត្ថកិច្ចយកទៅរក្សាទុកនៅអធិការដ្ឋាននគនរបាលស្រុកកំពង់ស្វាយ រង់ចាំឱ្យតំណាងភាគីទាំងសងខាងចូលមកដោះស្រាយតាមនីតិវិធី ។
មន្ត្រីនគរបាលស្រុកកំពង់ស្វាយនិយាយថា ករណីគ្រោះថ្នាក់រវាងម៉ូតូនិងរថយន្តដឹកដីនេះ គឺមកពីអ្នកបើកបរម៉ូតូបើកក្នុងល្បឿនលឿន និងមិនប្រកាន់ស្តាំ ពេលដល់ចំណុចផ្លូវកោង ៕
ចែករំលែកព័តមាននេះ