ស្ថាប័នបាល់ទាត់ពិភពលោក FIFA បានបើកការស៊ើបអង្កេតមួយពាក់ព័ន្ធនឹងការប្រើពាក្យដៀមដាមដាក់មនុស្សស្រឡាញ់ភេទដូចគ្នារបស់ពួកអ្នកគាំទ្រក្រុមម៉ិកស៊ិកអំឡុងពេលការប្រកួតប៉ះក្រុមអាល្លឺម៉ង់ថ្ងៃមុន ។ ក្រុមម៉ិកស៊ិកដែលមានរហស្សនាម «ទ័ពបីពណ៌» បានយកឈ្នះក្រុមជើងឯកចាស់ឥន្ទ្រីដែកអាល្លឺម៉ង់ដោយលទ្ធផល ១-០ កាលពីថ្ងៃអាទិត្យទី១៧ មិថុនា…
ស្ថាប័នបាល់ទាត់ពិភពលោក FIFA បានបើកការស៊ើបអង្កេតមួយពាក់ព័ន្ធនឹងការប្រើពាក្យដៀមដាមដាក់មនុស្សស្រឡាញ់ភេទដូចគ្នារបស់ពួកអ្នកគាំទ្រក្រុមម៉ិកស៊ិកអំឡុងពេលការប្រកួតប៉ះក្រុមអាល្លឺម៉ង់ថ្ងៃមុន ។ ក្រុមម៉ិកស៊ិកដែលមានរហស្សនាម «ទ័ពបីពណ៌» បានយកឈ្នះក្រុមជើងឯកចាស់ឥន្ទ្រីដែកអាល្លឺម៉ង់ដោយលទ្ធផល ១-០ កាលពីថ្ងៃអាទិត្យទី១៧ មិថុនា កន្លងទៅ នៅពហុកីឡដ្ឋាន Luzhniki Stadium ដែលគ្រាប់បាល់ដ៏អស្ចារ្យនេះរកបានដោយវីរបុរស Hirving Lozano ។
ទន្ទឹមនឹងជ័យជម្នះនេះដែរ គេសង្កេតឃើញថា ពួកអ្នកគាំទ្រក្រុមម៉ិកស៊ិកត្រូវបានចោទប្រកាន់ថាបានប្រើពាក្យ «Puto» ដែលជាគ្រាមភាសាអេស្ប៉ាញមានន័យថា ពេស្យាចារបុរស ។ បន្ទាប់
ពីចប់ការប្រកួត ក្រុមអ្នកគាំទ្រម៉ិកស៊ិកក៏បាននាំគ្នាថតវីឌីអូនៅកណ្តាលក្រុងម៉ូស្គូដោយច្រៀងចម្រៀងមានឃ្លា «he who doesn’t jump is a Chilean maricon» ដែលពាក្យ Maricon គឺជាពាក្យអេស្ប៉ាញសំដៅមនុស្សស្រឡាញ់ភេទដូចគ្នា ។
គួរបញ្ជាក់ថា នេះមិនមែនជាករណីទី១របស់ពួកអ្នកគាំទ្រក្រុមម៉ិកស៊ិកដែលត្រូវបានចោទប្រកាន់រឿងស្រឡាញ់ភេទដូចគ្នាដោយ FIFA នោះទេ ។ ជាក់ស្តែង ស្ថាប័នបាល់ទាត់ដ៏ធំមួយនេះធ្លាប់បានទាក់ទងទៅសហព័ន្ធបាល់ទាត់ម៉ិកស៊ិក MFF ពីអាកប្បកិរិយារបស់អ្នកគាំទ្រអំឡុងការប្រកួត Confederations Cup កាលពីឆ្នាំមុននៅលើទឹកដីរុស្ស៊ីដែរ ៕
ចែករំលែកព័តមាននេះ