រាជធានីភ្នំពេញ ៖ មានសេដ្ឋីចិនលំដាប់ខ្ពស់ម្នាក់ ដែលនៅលើដងខ្លួន និងសម្លៀកបំពាក់ សុទ្ធតែជាមាសសុទ្ធ ធំៗពាក់ជ្រែកលើខ្លួន រួមជាមួយអង្គរក្សមាឌធំៗជាច្រើននាក់ បាននាំយកអំណោយជាគ្រឿងឧបភោភបរិភោគ និងសម្ភារសិក្សាមួយចំនួន…
រាជធានីភ្នំពេញ ៖ មានសេដ្ឋីចិនលំដាប់ខ្ពស់ម្នាក់ ដែលនៅលើដងខ្លួន និងសម្លៀកបំពាក់ សុទ្ធតែជាមាសសុទ្ធ ធំៗពាក់ជ្រែកលើខ្លួន រួមជាមួយអង្គរក្សមាឌធំៗជាច្រើននាក់ បាននាំយកអំណោយជាគ្រឿងឧបភោភបរិភោគ និងសម្ភារសិក្សាមួយចំនួន មកចែកជូនដល់សិស្សសាលាបឋមសិក្សាស្ទឹងមានជ័យ ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ កាលពីវេលាម៉ោង១០ព្រឹកថ្ងៃទី១៩ មិថុនា ។
ការចុះមកដល់ក្នុងបរិវេណសាលាបឋមសិក្សាពីសំណាក់សេដ្ឋីខាងលើ បានបង្កការភ្ញាក់ផ្អើលជាខ្លាំង ដោយសារក្រុមសេដ្ឋីរូបនោះ មិនបានជូនដំណឹងមុនដល់នាយកសាលា ពោលគឺពួកគេបានជិះរថយន្តទំនើបៗជាច្រើនគ្រឿង ចូលមកចែកអំណោយដល់សិស្សទាំងអស់នៅក្នុងសាលាតែម្តង ។
ហើយអ្វីជាការកត់សម្គាល់ និងមានការចាប់អារម្មណ៍បំផុតនោះ គឺសេដ្ឋីចិនខាងលើ ពាក់សុទ្ធតែខ្សែ.ក ចិញ្ចៀន និងគ្រឿងអលង្ការផ្សេងៗពេញដងខ្លួន គិតចាប់ពីក្បាល ដល់ចុងជើង គឺសុទ្ធតែជាមាសសុទ្ធ មានទំហំធំៗ រួមជាមួយអង្គរក្សមាឌធំជាច្រើននាក់ ស្លៀកពាក់ ពាក់វេតាយ៉ាងហំហានបំផុតផងដែរ ។ ពំុមានប្រភពព័ត៌មានណាមួយ បញ្ជាក់អោយដឹងពីឈ្មេាះ របស់សេដ្ឋីចិនរូបនេាះឡើយ តែប្រភពច្បាស់ការអះអាងថា សេដ្ឋីរូបនោះជាស្តេចល្បែងលុយរាប់រយលានដុល្លារនៅប្រទេសចិន ។
សូមបញ្ជាក់ថា ការនាំយកអំណោយចែកជូនសិស្សសាលាស្ទឹងមានជ័យ ធ្វើឡើងកាលពីម្សិលមិញនោះ បានធ្វើឱ្យមានការភ្ញាក់ផ្អើល និងចាប់អារម្មណ៍ជាខ្លាំង ពីសំណាក់បងប្អូនពលរដ្ឋដែលនិយមលេងបណ្តាញទំនាក់ទំនងសង្គមហ្វេសបុក ក្រោយមានការបង្ហោះពីសកម្មភាពដ៏ហ៊ឺហារបស់សេដ្ឋីចិនខាងលើ ក្នុងការនាំយកអំណោយចែកជូនសិស្សសាលាបឋមសិក្សាស្ទឹងមានជ័យខាងលើនេះ ។
ចែករំលែកព័តមាននេះ