រាជធានីភ្នំពេញ ៖ រថយន្តស៊េរីទំនើបម៉ាក Lexus 350 មួយគ្រឿង បានបែកស្តុប បែកកញ្ចក់ និងក្រពឹតផ្នែកខាងមុខចំហៀងខាងឆ្វេងរងការខូចខាតយ៉ាងដំណំ។ ខណៈដែលបុរសជាជនជាតិចិនម្នាក់ បានបើកបរដោយខ្វះការប្រុងប្រយ័ត្នទៅដល់ចំណុចផ្លូវបំបែកជា៤ ក៏បានជ្រុលទៅបុកនឹងរថយន្ត បែនដឹកដីធុន់ធមួយគ្រឿងខាងមុខនោះ។ ករណីគ្រោះថ្នាក់ចរាចរណ៍នេះដែរបានកើតឡើងកាលពី វេលាម៉ោង១ និង៤៥នាទីរសៀល ថ្ងៃទី១៩ ខែមិថុនា ឆ្នាំ២០១៨ នៅចំណុចផ្លូវលេខ៥១ (ផ្លូវប៉ាស្ទ័រ) កែងនឹងផ្លូវលេខ២៩៥ ក្នុងសង្កាត់បឹងកេងកងទី១ ខណ្ឌចម្ការមន។ តាមប្រភពព័ត៌មានពីនគរបាល បានប្រាប់ឱ្យដឹងថា មុនពេលកើតហេតុ មានរថយន្តបែនដឹកដីធុនធំមួយគ្រឿងម៉ាក Hino ពណ៌ខៀវ ពាក់ស្លាកលេខ តាកែវ ៣A-០៧៤៧ មួយគ្រឿងដែលបើកបរដោយបុរសម្នាក់ តាមបណ្តោយផ្លូវលេខ៥១ ក្នុងទិសដៅពីត្បូងទៅជើង។ លុះមកដល់ចំណុចកើតហេតុខាងលើ ក៏ស្រាប់តែមានរថយន្ត ស៊េរីទំនើបម៉ាក Lexus 350 មួយគ្រឿង ដែលបើកបរដោយបុរសវ័យក្មេងជនជាតិចិនម្នាក់ បោះពួយក្នុងល្បឿនយ៉ាងលឿនក្នុងទិសដៅពីកើតទៅលិចលឿនពេក នោះ ដោយជាន់ហ្វ្រាំងឈប់ មិនទាន់ក៏ជ្រុលទៅបុករថយន្តបែនដឹកដីចំកាងមុខផ្នែកខាងស្តាំបណ្តាលឲ្យក្រពឹត មុខខ្លួនឯងតែម្តង។តាមប្រភពដដែលបានប្រាប់បន្តទៀតថា ពាក់ព័ន្ធទៅនឹងករណីគ្រោះថ្នាក់ចរាចរណ៍នេះដែរគឺកើតឡើង ដោយសារតែភាគីខាងរថយន្តម៉ាក Lexus 350 ដែលបើកបរដោយបុរសជនជាតិចិនម្នាក់ បើកបរដោយខ្វះការប្រុងប្រយ័ត្ននៅត្រង់ចំណុចផ្លូវបំបែកជា៤ ទើបបានជ្រុលទៅបុករថយន្ត បែនដឹកដីមួយគ្រឿងឈប់នៅស្ងៀមមួយកន្លែង ដោយសារតែបានឃើញ រថយន្តឡិចស៊ីសខាងលើ បើកបរក្នុងល្បឿនមកបុកនោះ។ ក្រោយពេលកើតហេតុ កម្លាំងមានសមត្ថកិច្ចខណ្ឌចម្ការមនក៏បានចុះទៅ ដល់កន្លែងកើតហេតុធ្វើការវាស់វែង និងយករថយន្ត ស៊េរីទំនើបម៉ាក Lexus 350 និងរថយន្តបែនដីយក ទៅដាក់លើចិញ្ចើមផ្លូវ ដើម្បីឲ្យភាគីឱ្យភាគីទាំង២ធ្វើការដោះស្រាយ គ្នាបញ្ចប់រឿងភ្លាមៗ ដោយភាគីទាំងពីរយល់ស្មើគ្នា និងយករថយន្តទៅធ្វើការជួសជុលរៀងៗខ្លួន៕
ចែករំលែកព័តមាននេះ